ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយកាលពីថ្ងៃពុធថា សព្វាវុធរបស់លោកខាងលិចដែលហូរចូលអ៊ុយក្រែន បានចាប់ផ្តើមធ្វើដំណើរទៅកាន់ទីផ្សារងងឹត ។
មេដឹកនាំរុស្ស៊ីបានអំពាវនាវឱ្យអ្នកចូលរួមកិច្ចប្រជុំជំរុញកិច្ចសហប្រតិបត្តិការក្នុងកិច្ចខិតខំប្រឹងប្រែងប្រឆាំងអំពើភេរវកម្ម ហើយបានកត់សម្គាល់ថាមានបញ្ហាប្រឈមដ៏ធ្ងន់ធ្ងរ ដែលបង្កឡើងដោយទីផ្សារងងឹតកំពុងលក់អាវុធដែលលោកខាងលិចបញ្ជូនឲ្យអ៊ុយក្រែន ។
សេចក្តីថ្លែងការណ៍របស់ប្រធានាធិបតីនេះ ធ្វើឡើងបន្ទាប់ពីតំណាងអចិន្ត្រៃយ៍របស់រុស្ស៊ីប្រចាំអង្គការសហប្រជាជាតិ លោក Vasily Nebenzia បានព្រមានកាលពីខែមុនថា មន្ត្រីអ៊ុយក្រែនពុករលួយបានបង្កើតបណ្តាញបញ្ជូនអាវុធដែលផ្គត់ផ្គង់ដោយលោកខាងលិចទៅកាន់ទីផ្សារងងឹតរបស់ពិភពលោក ។
ប្រភព ៖ RT