ប្រធានាធិបតីរុស្ស៊ី លោក វ្ល៉ាឌីមៀរ ពូទីន កាលពីថ្ងៃព្រហស្បតិ៍ បានចុះហត្ថលេខាលើក្រឹត្យចំនួនពីរ ដោយទទួលស្គាល់អតីតតំបន់អ៊ុយក្រែន គឺ Kherson និង Zaporozhye ជារដ្ឋអធិបតេយ្យភាពឯករាជ្យ ។ ក្រឹត្យនេះចូលជាធរមានភ្លាមៗ ។
លោក ពូទីន និយាយថា ការទទួលស្គាល់អធិបតេយ្យភាព និងឯករាជ្យភាព នៃតំបន់ Kherson និង Zaporozhye “មានប្រសិទ្ធភាពចាប់ពីថ្ងៃចុះហត្ថលេខា” ក្រឹត្យទាំងពីរចុះកាលបរិច្ឆេទ និងចុះហត្ថលេខានៅថ្ងៃទី 29 ខែកញ្ញា។ នៅក្នុងឯកសារ ប្រមុខរដ្ឋសំដៅទៅលើគោលការណ៍ និងបទដ្ឋានដែលទទួលស្គាល់ជាសកលនៃ ច្បាប់អន្តរជាតិ គោលការណ៍នៃសិទ្ធិស្មើគ្នា និងការសម្រេចចិត្តដោយខ្លួនឯងរបស់ប្រជាជន ដែលមានចែងក្នុងធម្មនុញ្ញអង្គការសហប្រជាជាតិ ។
ប្រភព ៖ RT
