ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយនៅក្នុងសុន្ទរកថាដែលបានចេញផ្សាយកាលពីថ្ងៃពុធថា ប្រទេសរុស្ស៊ីនៅតែស្ថិតក្នុងស្ថានភាពត្រៀមខ្លួនប្រយុទ្ធ និងត្រៀមខ្លួនជាស្រេចសម្រាប់សង្គ្រាមនុយក្លេអ៊ែរ ប៉ុន្តែយើងមិនមែនកំពុងធ្វើវាទាំងប្រញាប់ប្រញាល់ទេនៅពេលនេះ ។
នៅក្នុងបទសម្ភាសន៍ជាមួយប្រព័ន្ធផ្សព្វផ្សាយរដ្ឋ លោក ពូទីន ដែលបានចាប់ផ្តើមការលុកលុយពេញប្រទេសអ៊ុយក្រែន និងស្ទើរតែប្រាកដក្នុងការឈ្នះការបោះឆ្នោតប្រធានាធិបតីពីថ្ងៃទី ១៥ ដល់ថ្ងៃទី ១៧ ខែមីនា បាននិយាយថា រុស្ស៊ីនឹងត្រៀមខ្លួនជាស្រេចក្នុងការប្រើប្រាស់អាវុធនុយក្លេអ៊ែរ ប្រសិនបើអធិបតេយ្យភាពរបស់ខ្លួនត្រូវបានគំរាមកំហែង ។
លោក ពូទីន បានប្រាប់ទូរទស្សន៍ Rossiya-1 និងទីភ្នាក់ងារសារព័ត៌មាន RIA ថា “តាមទស្សនៈផ្នែកបច្ចេកទេសយោធា យើងត្រៀមខ្លួនរួចរាល់ហើយ” ។ សហរដ្ឋអាម៉េរិកយល់ថា ប្រសិនបើខ្លួនដាក់ពង្រាយទាហានអាមេរិកនៅលើទឹកដីរុស្ស៊ី ឬទៅអ៊ុយក្រែន រុស្ស៊ីនឹងចាត់ទុកទង្វើនេះថាជាអន្តរាគមន៍។
លោកពូទីនបាននិយាយថា “(នៅសហរដ្ឋអាម៉េរិក) មានអ្នកឯកទេសគ្រប់គ្រាន់ក្នុងវិស័យទំនាក់ទំនងរុស្ស៊ី-អាម៉េរិក និងក្នុងការទប់ទល់ការប៉ះទង្គិចគ្នាជាយុទ្ធសាស្ត្រ”។ “ហេតុដូច្នេះហើយ ខ្ញុំមិនគិតថាការប្រឈមមុខដាក់គ្នាដោយនុយក្លេអ៊ែរកំពុងស្ថិតក្នុងស្ថានភាពប្រញាប់ប្រញាល់ទេ ប៉ុន្តែយើងត្រៀមខ្លួនសម្រាប់រឿងនេះ” ។ ប្រសិនបើសហរដ្ឋអាម៉េរិកធ្វើការសាកល្បងនុយក្លេអ៊ែរ រុស្ស៊ីអាចនឹងធ្វើដូចគ្នានេះ។
Reuters
