Mark Zuckerberg វ៉ាដាច់ Elon Musk ដើម្បីក្លាយជាអ្នកមានបំផុតទី ៣ នៅលើពិភពលោក ដែលជាលើកដំបូងចាប់តាំងពីឆ្នាំ២០២០ ។ Elon Musk ដែលធ្លាប់ជាប់ចំណាត់ថ្នាក់លេខ ១ លើសន្ទស្សន៍មហាសេដ្ឋីរបស់ Bloomberg នៅដើមខែមីនាបានធ្លាក់ចុះមកលេខ ៤ បន្ទាប់ពី Reuters បានរាយការណ៍ថាក្រុមហ៊ុន Tesla បានលុបចោលផែនការសម្រាប់រថយន្តដែលមានតម្លៃថោកដោយធ្វើឱ្យភាគហ៊ុនរបស់ក្រុមហ៊ុនដាំក្បាលធ្លាក់ចុះ។
ទ្រព្យសម្បត្តិរបស់Elon Musk បានធ្លាក់ចុះចំនួន ៤៨,៤ ពាន់លានដុល្លារក្នុងឆ្នាំនេះ ខណៈដែលទ្រព្យសម្បត្តិរបស់ Mark Zuckerberg បានកើនឡើង ៥៨,៩ ពាន់លានដុល្លារ ។ នេះក៏ជាលើកទីមួយផងដែរដែល Zuckerberg ជាប់ចំណាត់ថ្នាក់កំពូលទាំងបីក្នុងចំណាត់ថ្នាក់អ្នកមានបំផុតរបស់ Bloomberg ចាប់តាំងពីថ្ងៃទី ១៦ ខែវិច្ឆិកា ឆ្នាំ ២០២០ ខណៈបច្ចុប្បន្ន Elon Musk មានទ្រព្យសម្បត្តិសុទ្ធចំនួន ១៨០,៦ ពាន់លានដុល្លារ ឯMark Zuckerberg មានចំនួន ១៨៦,៩ ពាន់លានដុល្លារ។
ចំណែកមហាសេដ្ឋីមានជាងគេលើលោកលេខ១ បានទៅលើនាយកប្រតិបត្តិប្រេន Louis Vuitton (LV) មានទ្រព្យប្រមាណ ២២៣ ពាន់លានដុល្លារ និងតាមពីក្រោយដោយស្ថាបនិកក្រុមហ៊ុន Amazon លោក Jeff bezos មានទ្រព្យ ២០៧ពាន់លានដុល្លារ ។
Bloomberg
