ក្រសួងយុត្តិធម៌អាម៉េរិកប្តឹងក្រុមហ៊ុន Apple ដោយចោទប្រកាន់ក្រុមហ៊ុនផលិតទូរស័ព្ទ iPhone ថាបានបំពានច្បាប់ប្រឆាំងការទុកចិត្តដោយរារាំងគូប្រជែងពីការចូលប្រើមុខងារផ្នែករឹង និងផ្នែកទន់នៅលើឧបករណ៍ពេញនិយមរបស់ខ្លួន ។
ពាក្យបណ្តឹងដែលមាន 88 ទំព័របានចោទប្រកាន់ក្រុមហ៊ុនដែលមានមូលដ្ឋាននៅរដ្ឋកាលីហ្វ័រញ៉ាកំពុងធ្វើឱ្យផលិតផលរបស់ខ្លួនកាន់តែអាក្រក់សម្រាប់អ្នកប្រើប្រាស់ ដូច្នេះវាអាចរារាំងគូប្រជែង ។ ភាគហ៊ុនរបស់ក្រុមហ៊ុន Apple បានធ្លាក់ចុះរហូតដល់ ៣,៨% ក្រោយមានព័ត៌មាននេះ ដែលជាការធ្លាក់ចុះដ៏ធំបំផុតរបស់ពួកគេចាប់តាំងពីថ្ងៃទី ២ ខែកុម្ភៈ។
បណ្តឹងនេះបានចោទប្រកាន់ថា Apple បានប្រើប្រាសអមណាចរបស់ខ្លួនលើការចែកចាយកម្មវិធីនៅលើ iPhone ដើម្បីរារាំងការច្នៃប្រឌិតដែលនឹងធ្វើឱ្យវាកាន់តែងាយស្រួលសម្រាប់អ្នកប្រើប្រាស់ក្នុងការប្តូរទូរស័ព្ទ ។ អគ្គមេធាវីអាម៉េរិក Merrick Garland បាននិយាយនៅក្នុងសន្និសីទសារព័ត៌មានថា Apple បានពង្រឹងអំណាចផ្តាច់មុខរបស់ខ្លួន មិនមែនដោយការធ្វើឱ្យផលិតផលរបស់ខ្លួនប្រសើរជាងមុននោះទេ ប៉ុន្តែដោយការធ្វើឱ្យផលិតផលផ្សេងទៀតកាន់តែអាក្រក់ទៅៗ ។
ក្រុមហ៊ុន Apple បាននិយាយថា ការប្តឹងនេះគឺខុសលើអង្គហេតុ និងច្បាប់ ដោយបានព្រមានថា វានឹងបង្កើតគំរូដ៏គ្រោះថ្នាក់ ផ្តល់អំណាចដល់រដ្ឋាភិបាលក្នុងការចាត់វិធានការយ៉ាងធ្ងន់ធ្ងរក្នុងការរចនាបច្ចេកវិទ្យារបស់មនុស្ស ។
Bloomberg
