កីឡាករបាល់ទាត់អាជីពអ៊ីរ៉ង់ម្នាក់ត្រូវបានកាត់ទោសប្រហារជីវិត បន្ទាប់ពីគាត់បានធ្វើការតវ៉ាប្រឆាំងនឹងការស្លាប់របស់ Mahsa Amini នេះបើយោងតាមសារព័ត៌មាន Iran Wire ។
លោក Amir Nasr-Azadani អាយុ 26 ឆ្នាំត្រូវបានចាប់ខ្លួនកាលពីខែវិច្ឆិកា ពាក់ព័ន្ធនឹងការសម្លាប់វរសេនីយ៍ឯកប៉ូលិសម្នាក់ និងសមាជិកកងជីវពលស្ម័គ្រចិត្តពីរនាក់ ។ លោកត្រូវបានគេចោទប្រកាន់ពីបទ «ធ្វើសង្គ្រាមប្រឆាំងនឹងព្រះ» ហើយនឹងត្រូវព្យួរក នេះបើយោងតាម Iran Wire។
សហព័ន្ធកីឡាបាល់ទាត់អន្តរជាតិ FIFPRO បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា ខ្លួនមាន “ការភ្ញាក់ផ្អើល និងឈឺចាប់” ចំពោះព័ត៌មាននេះហើយបាននិយាយថា “យើងឈរនៅក្នុងសាមគ្គីភាពជាមួយ Amir និងអំពាវនាវឱ្យមានការដកចេញនូវការដាក់ទោសប្រហារជីវិតរបស់គាត់ជាបន្ទាន់” ។
ប្រភព ៖
The Insider