ទំហំដោះដូរពាណិជ្ជកម្មរបស់កម្ពុជាមានតម្លៃ ៤,០៥ពាន់លានដុល្លារក្នុងខែមករា ឆ្នាំ ២០២៤ កើនឡើង ១៦,៧ ភាគរយបើធៀបនឹងពេលដូចគ្នាកាលពីឆ្នាំមុន។ បើយោងតាមរបាយការណ៍របស់អគ្គនាយកដ្ឋានគយ និងរដ្ឋាករបានឱ្យដឹងថា ការនាំចេញសរុបរបស់កម្ពុជាមានចំនួន ១,៩៦ ពាន់លានដុល្លារក្នុងខែមករាឆ្នាំនេះ កើនឡើង ២៧ ភាគរយបើធៀបនឹងខែមករាឆ្នាំមុន ហើយការនាំចូលសរុបឈានដល់ ២,០៩ ពាន់លានដុល្លារ កើនឡើង ៨,៧ ភាគរយ ។
របាយការណ៍បានបន្តថា ការនាំចេញរបស់កម្ពុជាទៅអាម៉េរិកបានកើនឡើងដល់ ៦២៦ លានដុល្លារក្នុងខែមករា តាមពីក្រោយដោយប្រទេសវៀតណាម ៣៧៣ លានដុល្លារ និងចិន ១២១ លានដុល្លារ ។
កម្ពុជាបាននាំចេញភាគច្រើនជាផលិតផលកាត់ដេរ ស្បែកជើង វ៉ាលី កង់ កៅស៊ូស្ងួត អង្ករ ចេក ស្វាយចន្ទី ស្វាយ និងមៀន តែបាននាំចូលមកវិញនូវវត្ថុធាតុដើមសម្រាប់កាត់ដេរ ស្បែកជើង ប្រេងឥន្ធនៈ សម្ភារៈសំណង់ រថយន្ត និងម៉ូតូ ផលិតផលប្រើប្រាស់ប្រចាំថ្ងៃ ផលិតផលឱសថ និងគ្រឿងសំអាង។
Xinhua