អាម៉េរិកនិយាយថា រុស្សីអាចហៀបនឹងទិញគ្រាប់កាំភ្លើងធំ និងគ្រាប់រ៉ុក្កែតរបស់កូរ៉េខាងជើងរាប់លានគ្រាប់ ខណៈរុស្ស៊ីច្រានចោលការអះអាងនេះ
Read Time:2 Minute, 14 Second
Views:167

អាម៉េរិកនិយាយថា រុស្សីអាចហៀបនឹងទិញគ្រាប់កាំភ្លើងធំ និងគ្រាប់រ៉ុក្កែតរបស់កូរ៉េខាងជើងរាប់លានគ្រាប់ ខណៈរុស្ស៊ីច្រានចោលការអះអាងនេះ

1 0

សេតវិមានបាននិយាយកាលពីថ្ងៃអង្គារថា រុស្សីអាចហៀបនឹងទិញគ្រាប់កាំភ្លើងធំ និងគ្រាប់រ៉ុក្កែតរាប់លានគ្រាប់ពីសម្ពន្ធមិត្តសម័យសង្រ្គាមត្រជាក់កូរ៉េខាងជើង ដោយនិយាយថាខ្លួនមានភស្តុតាងបន្ថែមទៀតនៃភាពអស់សង្ឃឹមរបស់ទីក្រុងម៉ូស្គូ ចំពេលមានការខ្វះខាតការផ្គត់ផ្គង់សម្រាប់សង្គ្រាមនៅអ៊ុយក្រែន ។ នេះបើយោងតាមការចេញផ្សាយដោយសារព័ត៌មាន Reuters ។

ឯកអគ្គរដ្ឋទូតរុស្សីប្រចាំអង្គការសហប្រជាជាតិ លោក Vassily Nebenzia មុននេះ បានច្រានចោលរបាយការណ៍របស់មន្ត្រីសហរដ្ឋអាម៉េរិក ដែលបានបង្ហាញខ្លួនជាលើកដំបូងនៅក្នុងកាសែត New York Times ដោយបានលើកឡើងពីព័ត៌មានសម្ងាត់របស់សហរដ្ឋអាម៉េរិកដែល​ថា រុស្ស៊ីកំពុងធ្វើការទិញបែបនេះ ។

លោក​បាន​ប្រាប់​អ្នក​យក​ព័ត៌មាន​ថា​៖ «​ខ្ញុំ​មិន​បាន​ឮ​ទេ ហើយ​ខ្ញុំ​គិត​ថា​នោះ​ជា​ក្លែងក្លាយ​មួយ​ទៀត​ដែល​ត្រូវ​បាន​គេ​ផ្សព្វផ្សាយ​ជុំវិញពិភពលោក ​»​។

អ្នកនាំពាក្យរងក្រសួងការបរទេសអាម៉េរិក លោក Vedant Patel បានប្រាប់សន្និសីទសារព័ត៌មានកាលពីថ្ងៃអង្គារថា ប្រទេសរុស្ស៊ី “កំពុងស្ថិតក្នុងដំណើរការទិញគ្រាប់រ៉ុក្កែត និងកាំភ្លើងធំរាប់លានគ្រាប់ពីប្រទេសកូរ៉េខាងជើង សម្រាប់ប្រើប្រាស់ក្នុងប្រទេសអ៊ុយក្រែន”។

ទោះបីជាយ៉ាងណាក៏ដោយ អ្នកនាំពាក្យសន្តិសុខជាតិរបស់សេតវិមាន លោក John Kirby បាននិយាយថា មួយរយៈពេលខ្លីក្រោយមក មិនមានការចង្អុលបង្ហាញថា ការទិញត្រូវបានបញ្ចប់នោះទេ ហើយប្រាកដណាស់ថា គ្មានការចង្អុលបង្ហាញថាអាវុធទាំងនោះត្រូវបានប្រើប្រាស់នៅក្នុងប្រទេសអ៊ុយក្រែននោះទេ ។

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Leave a Reply

Your email address will not be published.

Previous post លោកស្រី Liz Truss ចូលគាល់ម្ចាស់ក្សត្រី Elizabeth II បន្ទាប់ពីក្លាយជានាយករដ្ឋមន្ត្រីរបស់ចក្រភពអង់គ្លេសជាផ្លូវការ
Next post ប្រទេសអ៊ីតាលីនឹងបិទម៉ាស៊ីនកំដៅក្នុងរដូវរងា ដើម្បីជួយសន្សំសំចៃការប្រើប្រាស់ឧស្ម័ន