យន្ដហោះចម្បាំងរុស្ស៊ី 2 គ្រឿងបានហោះរំលោភចូលដែនអាកាសរបស់សហរដ្ឋអាម៉េរិក!!
Read Time:2 Minute, 8 Second
Views:797

យន្ដហោះចម្បាំងរុស្ស៊ី 2 គ្រឿងបានហោះរំលោភចូលដែនអាកាសរបស់សហរដ្ឋអាម៉េរិក!!

0 0

មេបញ្ជាការនៃបញ្ជាការខាងជើងបាននិយាយកាលពីថ្ងៃសុក្រថា យន្តហោះល្បាតដែនសមុទ្ររុស្ស៊ីពីរគ្រឿងបានហោះចូលតំបន់ការពារដែនអាកាសអាម៉េរិក និងកាណាដាកាលពីពីរសប្តាហ៍មុនក្នុងការបង្ហាញកម្លាំង នៅចំពេលប្រតិបត្តិការយោធារបស់ទីក្រុងម៉ូស្គូក្នុងប្រទេសអ៊ុយក្រែន ​។

ឧត្តមសេនីយ៍ Glen D. VanHerck ​ប្រធានទីបញ្ជាការការពារដែនអាកាសអាម៉េរិកភាគខាងជើង (NORAD) របស់សហរដ្ឋអាម៉េរិក-កាណាដា បាននិយាយថា ការហោះចូលដែនអាកាសនាពេលថ្មីៗនេះគឺមិនសូវបង្កហេតុខ្លាំងជាងឧប្បត្តិហេតុកន្លងមក​ទេ ។

ភាពតានតឹងនុយក្លេអ៊ែររវាងសហរដ្ឋអាម៉េរិក និងរុស្ស៊ីត្រូវបានលើកឡើងបន្ទាប់ពីការលុកលុយរបស់ទីក្រុងម៉ូស្គូលើអ៊ុយក្រែន ដោយប្រធានាធិបតីរុស្ស៊ីលោក វ្ល៉ាឌីមៀរ ពូទីន និងជំនួយការកំពូលរបស់រុស្ស៊ីបានលើកឡើងពីការគំរាមកំហែងនៃការឆ្លើយតបដោយនុយក្លេអ៊ែរ ខណៈដែលសហរដ្ឋអាម៉េរិក និងអង្គការណាតូបានផ្ដល់ការគាំទ្រ និងផ្តល់អាវុធដល់ទីក្រុងគៀវ ។

ឧត្តមនាវីឯក Pamela Kunze អ្នកនាំពាក្យរបស់បញ្ជាការខាងជើង បាននិយាយថា ទីបញ្ជាការការពារដែនអាកាសអាម៉េរិកភាគខាងជើងបានកំណត់អត្តសញ្ញាណយន្តហោះល្បាតដែនសមុទ្រ IL-38 របស់រុស្ស៊ីចំនួនពីរគ្រឿង ដែលហោះហើរនៅជិតរដ្ឋអាឡាស្កា។ យន្តហោះល្បាតមួយបានចូលទៅក្នុងតំបន់​ការពារដែនអាកាសរបស់រដ្ឋនេះ ។

ទីបញ្ជាការការពារដែនអាកាសអាម៉េរិកភាគខាងជើង បានតាមដាន កំណត់អត្តសញ្ញាណ និងចាត់វិធានការសមស្រប។ យន្តហោះរបស់រុស្ស៊ីនេះបានចាកចេញដោយគ្មានបង្កឧបទ្ទវហេតុទេ​ ។

ប្រភព ៖ The Washington Times

Happy
Happy
17 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
33 %
Surprise
Surprise
50 %

Leave a Reply

Your email address will not be published.

Previous post ជនជាតិអាម៉េរិកពីរនាក់ដែលកំពុងប្រយុទ្ធជាមួយកងកម្លាំងអ៊ុយក្រែនត្រូវបានស្លាប់ នៅក្នុងពេលប្រយុទ្ធតទល់នឹងកងកម្លាំងរុស្ស៊ីនៅតំបន់ដុនបាស!!
Next post ប្រទេសប៉ូឡូញ​ដែល​ជា​សមាជិក​ណាតូ​មានជាប់​ព្រំដែនជាប់​អ៊ុយក្រែន​កំពុង​បង្កើន​ការ​ការពារ​ខ្លួន​​​ទប់ទល់​នឹង​ការ​គំរាម​កំហែង​ពី​រុស្ស៊ីដោយកំពុងត្រៀមរៀបចំទិញយន្តហោះចម្បាំង និងរថក្រោះជាច្រើនពីកូរ៉េខាងត្បូង!!