សហរដ្ឋអាម៉េរិកត្រូវបានគេរាយការណ៍ថាកំពុងពិភាក្សាជាមួយប្រទេសវៀតណាមលើការលក់យន្តហោះចម្បាំង F-16 ដល់ប្រទេសនេះ បន្ទាប់ពីប្រទេសទាំងពីរបានធ្វើឱ្យប្រសើរឡើងនូវទំនាក់ទំនងការទូតរបស់ពួកគេកាលពីដើមខែនេះ ប៉ុន្តែអ្នកជំនាញបាននិយាយកាលពីថ្ងៃអាទិត្យថា កិច្ចព្រមព្រៀងដ៏មានសក្តានុពលនេះ បម្រើដល់គោលដៅអនុត្តរភាពរបស់សហរដ្ឋអាម៉េរិកក្នុងការទប់ស្កាត់ឥទ្ធិពលរបស់ប្រទេសចិន បង្កបញ្ហាដែលឈានដល់ការបំផ្លាញសន្តិភាព និងស្ថិរភាពក្នុងតំបន់ ។ នៅក្នុងសកម្មភាពមួយ ដែលអាចធ្វើឱ្យចិន និងរុស្ស៊ីផ្ទុះកំហឹង រដ្ឋបាលលោក បៃដិន បាននឹងកំពុងពិភាក្សាជាមួយប្រទេសវៀតណាម ជុំវិញកញ្ចប់លក់អាវុធដែលក្នុងនោះក៏មានយន្តហោះចម្បាំង F-16 ដែលលេចចេញជារូបរាងនៅឆ្នាំក្រោយ នេះបើតាមសារព័ត៌មាន

រដ្ឋបាលលោក បៃដិន កំពុងពិភាក្សាជាមួយប្រទេសវៀតណាម ជុំវិញកិច្ចព្រមព្រៀងមួយសម្រាប់ការផ្ទេរអាវុធដ៏ធំបំផុតក្នុងប្រវត្តិសាស្ត្ររវាងអតីតសត្រូវទាំង ២ នេះបើយោងតាមមនុស្សពីរនាក់ដែលដឹងពីកិច្ចព្រមព្រៀងនេះ ហើយកិច្ចព្រមព្រៀងនេះក៏អាចធ្វើឲ្យចិន និងរុស្ស៊ីខឹងសម្បារផងដែរ​ ។   កញ្ចប់លក់អាវុធមួយដែលអាចនឹងប្រកាសនៅឆ្នាំក្រោយ ​ជាមួយនឹងការលក់យន្តហោះចម្បាំង F-16 របស់អាម៉េរិកទៅឲ្យវៀតណាម ខណៈដែលប្រទេសអាស៊ីអាគ្នេយ៍មួយនេះប្រឈមមុខនឹងភាពតានតឹងជាមួយទីក្រុងប៉េកាំងនៅក្នុងជម្លោះសមុទ្រចិនខាងត្បូង។ ​   កិច្ច​ព្រម​ព្រៀង​នេះ​នៅ​តែ​ស្ថិត​នៅ​ក្នុង​ដំណាក់​កាល​ដំបូង​របស់​ខ្លួន ដោយ​​លក្ខខណ្ឌ​ជាក់​លាក់​នៅ​មិន​ទាន់​ត្រូវ​បាន​សម្រេចនូវឡើយ ​។