ក្រុមហ៊ុនអាកាសចរណ៍ AirAsia Cambodia បានចាប់ផ្តើមការលក់សំបុត្រសម្រាប់ជើងហោះហើរក្នុងស្រុកជាលើកដំបូង ខណៈដែលក្រុមហ៊ុនកំពុងស្វែងរកការពង្រីកខ្លួននៅទូទាំងតំបន់ និងឈានទៅរកការកើនឡើងនៃតម្រូវការធ្វើដំណើរ។
ក្រុមហ៊ុនដែលស្ថិតក្រោមការបណ្តាក់ទុនរួមគ្នារវាងក្រុមហ៊ុនមេ AirAsia Capital A និងក្រុមហ៊ុនបដិសណ្ឋារកិច្ចកម្ពុជា Sivilai Asia នឹងឃើញការហោះហើរលើកដំបូងរបស់ខ្លួនរវាងទីក្រុងភ្នំពេញ និងខេត្តសៀមរាប នៅថ្ងៃទី ២ ខែឧសភា នេះបើយោងតាមសេចក្តីថ្លែងការណ៍មួយចេញផ្សាយនៅថ្ងៃចន្ទ ។ ក្រុមហ៊ុននេះនឹងផ្តល់សេវាផ្លូវហោះហើររវាងទីក្រុងសៀមរាបទៅខេត្តព្រះសីហនុផងដែរដោយប្រើប្រាស់យន្តហោះប្រភេទ Airbus A320 ចំនួនពីរគ្រឿង ។ ជាមួយនឹងប្រម៉ូសិនចែកសំបុត្រយន្តហោះដោយឥតគិតថ្លៃចំនួន ៦ ពាន់សំបុត្រផងដែរក្នុងឱកាសហោះហើរលើដំបូងនេះ ។
ការហោះហើរជាលើកដំបូងនេះនឹងឡើងជាងមួយឆ្នាំបន្ទាប់ពីផែនការនេះត្រូវបានប្រកាស ហើយនឹងសម្គាល់ការពង្រីកលើកដំបូងរបស់ក្រុមនេះទៅក្នុងទីផ្សារថ្មីមួយចាប់តាំងពីជំងឺរាតត្បាតបានវាយលុកផ្នែកហិរញ្ញវត្ថុរបស់ខ្លួន ហើយបានបង្ខំឱ្យបិទក្រុមហ៊ុននៅក្នុងប្រទេសឥណ្ឌា និងជប៉ុន។
នាយកប្រតិបត្តិក្រុមហ៊ុន AirAsia Cambodia លោក ណាម វិសុទ្ធ មានប្រសាសន៍ថា ការធ្វើបែបនេះនឹងមិនត្រឹមតែធ្វើឱ្យការតភ្ជាប់កាន់តែប្រសើរឡើង ជាមួយនឹងថ្លៃសំបុត្រធ្វើដំណើរគឺទាបត្រឹមតែ ៤៩ ដុល្លារ ដូច្នេះភ្ញៀវជាតិ និងអន្តរជាតិកាន់តែច្រើនអាចទទួលបានបទពិសោធន៍ដ៏អស្ចារ្យនៃប្រទេសកម្ពុជាតាមយន្តហោះក្នុងតម្លៃសមរម្យ។
លោកមានជំនឿថា ក្រុមហ៊ុនអាកាសចរណ៍នឹងចូលរួមលើកស្ទួយសេដ្ឋកិច្ចក្នុងតំបន់ដោយផ្តល់ការងារដល់ប្រជាជនក្នុងស្រុក និងគាំទ្រដល់ការអភិវឌ្ឍទេសចរណ៍។
Bloomberg