BBC និយាយថា អ្នកកាសែតរបស់ខ្លួនម្នាក់ត្រូវបានចាប់ខ្លួន និងវាយដោយប៉ូលិសចិនកាលពីថ្ងៃអាទិត្យ ខណៈពេលដែលអាជ្ញាធរចិនកំពុងបិទបាំងការតវ៉ានៅទីក្រុងសៀងហៃ ប្រឆាំងនឹងគោលនយោបាយសូន្យ-Covid របស់ប្រទេស ។
ទូរទស្សន៍ BBC បាននិយាយនៅក្នុងសេចក្តីថ្លែងការណ៍មួយថា ” BBC មានការព្រួយបារម្ភយ៉ាងខ្លាំងចំពោះអ្នកកាសែតរបស់យើងឈ្មោះ Ed Lawrence ដែលត្រូវបានចាប់ខ្លួន និងដាក់ខ្នោះដៃ ខណៈពេលដែលកំពុងយកព័ត៌មានអំពីការតវ៉ានៅក្នុងទីក្រុងសៀងហៃ” ។
លោក Lawrence ដែលធ្វើការនៅក្នុងប្រទេសចិនជាអ្នកកាសែតដែលមានការទទួលស្គាល់ ត្រូវបានឃុំខ្លួនជាច្រើនម៉ោង ក្នុងអំឡុងពេលនោះគាត់ត្រូវបានប៉ូលិសវាយដំ និងទាត់ធាក់ នេះបើយោងតាមសារព័ត៌មាន BBC ។ ក្រោយមកគាត់ត្រូវបានដោះលែង។
ឆ្លើយតបទៅនឹងការអះអាងរបស់ BBC ក្រសួងការបរទេសចិនបាននិយាយនៅថ្ងៃចន្ទនេះថា អ្នករាយការណ៍ព័ត៌មានរបស់ BBC ដែលត្រូវបានចាប់ខ្លួននៅក្នុងការតវ៉ាមួយក្នុងទីក្រុងសៀងហៃកាលពីចុងសប្តាហ៍ ដោយសារមិនបានពាក់កាតបង្ហាញអត្តសញ្ញាណខ្លួនឯងថា ជាអ្នកកាសែត ។
អ្នកនាំពាក្យក្រសួងការបរទេសចិន លោក Zhao Lijian បាននិយាយថា “ផ្អែកលើអ្វីដែលយើងបានដឹងពីអាជ្ញាធរក្រុងសៀងហៃ ដែលពាក់ព័ន្ធ គាត់មិនបានបង្ហាញអត្តសញ្ញាណខ្លួនឯងជាអ្នកសារព័ត៌មាន និងមិនស្ម័គ្រចិត្តបង្ហាញលិខិតសម្គាល់សារព័ត៌មានរបស់គាត់” ។
ប្រភព ៖
AFP
