រុស្ស៊ីកំពុងបង្កើតអាវុធប្រឆាំងផ្កាយរណបដែលមានមូលដ្ឋានលើលំហរ ដែលកំពុងតែបង្កជាបញ្ហា ប៉ុន្តែមិនទាន់មានការគំរាមកំហែងភ្លាមៗនោះទេ នេះបើតាមការបញ្ជាក់ពីសេតវិមាន ។
អ្នកនាំពាក្យសន្តិសុខជាតិអាម៉េរិក លោក John Kirby បាននិយាយថា មន្ត្រីស៊ើបការណ៍សម្ងាត់អាម៉េរិក មានព័ត៌មានថា រុស្ស៊ីបានអភិវឌ្ឍបច្ចេកវិទ្យាប្រឆាំងផ្កាយរណប ប៉ុន្តែអាវុធនេះ មិនទាន់ដំណើរការនៅឡើយ ។ លោកបាននិយាយថា មន្ត្រីអាម៉េរិកកំពុងវិភាគព័ត៌មានដែលពួកគេមាន និងពិគ្រោះយោបល់ជាមួយសម្ពន្ធមិត្តនៅអឺរ៉ុប។
លោកបានបញ្ជាក់ថា អាវុធនោះមានមូលដ្ឋានលើលំហអាកាស ប៉ុន្តែនឹងមិនធ្វើអត្ថាធិប្បាយលើរបាយការណ៍ក្នុងប្រព័ន្ធផ្សព្វផ្សាយរបស់អាម៉េរិកដែលថាវាមានសមត្ថភាពនុយក្លេអ៊ែរ ឬថាមពលនុយក្លេអ៊ែរទេ។
ភ្លាមៗទីក្រុងម៉ូស្គូបានច្រានចោលការអះអាងរបស់សហរដ្ឋអាម៉េរិក ដោយពណ៌នាថា ការប្រឌិតព័ត៌មានព្យាបាទរុស្ស៊ីដែលជាផែនការរបស់សេតវិមាន ដើម្បីព្យាយាម និងធានាការអនុម័តកញ្ចប់ជំនួយអ៊ុយក្រែនដែលមានតម្លៃរាប់ពាន់លានដុល្លារតាមរយៈសភាតំណាងរាស្រ្តដែលដឹកនាំដោយគណបក្សសាធារណរដ្ឋ។
Al Jazeera
