រដ្ឋបាលលោក បៃដិន កំពុងបង្កើនកំដៅលើក្រុមហ៊ុនផលិតបន្ទះឈីបកំពូលរបស់ចិន Semiconductor Manufacturing International Corp (SMIC) ដោយកាត់ផ្តាច់ការនាំចូលសមាសធាតុពីអាម៉េរិកបន្ថែមទៀត បន្ទាប់ពី SMIC បានផលិតបន្ទះឈីបដ៏ទំនើបសម្រាប់ទូរសព្ទ Huawei Mate 60 Pro នេះបើតាមប្រភពបាននិយាយប្រាប់ Reuters ។
កាលពីចុងឆ្នាំមុន នាយកដ្ឋានពាណិជ្ជកម្មអាម៉េរិកបានផ្ញើសំបុត្ររាប់សិបច្បាប់ទៅកាន់អ្នកផ្គត់ផ្គង់របស់សហរដ្ឋអាម៉េរិក ដោយផ្អាកការអនុញ្ញាតឱ្យលក់សមាសធាតុទៅរោងចក្រទំនើបបំផុតរបស់ SMIC ។
ក្រុមហ៊ុនដែលត្រូវបានចោលប្រកាន់ថា បានដឹកសមាសធាតុទៅឲ្យក្រុមហ៊ុន SMICគឺក្រុមហ៊ុន Entegris ដែលលក់សមាសធាតុមានតម្លៃរាប់លានដុល្លារ ។ ភាគហ៊ុនក្រុមហ៊ុនរបស់ Entegris បានធ្លាក់ចុះ 1.9 ភាគរយកាលពីថ្ងៃពុធ បាននិយាយថា ខ្លួនបានធ្វើការដឹកជញ្ជូនស្របតាមអាជ្ញាប័ណ្ណនាំចេញដែលមានសុពលភាព ហើយបានបញ្ឈប់បន្ទាប់ពីទទួលបានលិខិតពីនាយកដ្ឋានពាណិជ្ជកម្មឲ្យផ្អាកការអនុញ្ញាតឱ្យផ្ញើផលិតផលទៅ SMIC ។
ឆ្លើយតបនឹងព័ត៌មាននេះអ្នកនាំពាក្យស្ថានទូតចិនប្រចាំក្រុងវ៉ាស៊ីនតោនបាននិយាយថា៖ «នេះគឺជាការសម្លុតខាងសេដ្ឋកិច្ច ហើយចិននឹងមានប្រតិកម្មតបដោយមិនអាចជៀសរួច»។ “យើងជំរុញឱ្យភាគីអាម៉េរិកបញ្ឈប់ការបំពានអំណាចរដ្ឋ ដើម្បីគាបសង្កត់ក្រុមហ៊ុនចិន។
Reuters