ចក្រភពអង់គ្លេស សហរដ្ឋអាម៉េរិក និងឥណ្ឌាស្ថិតក្នុងចំណោមប្រទេសដែលបានចូលរួមរំលែកទុក្ខចំពោះមរណភាពរបស់អតីតមេដឹកនាំចិនលោក ជាំង ហ្សេមីន ។
ឯកអគ្គរដ្ឋទូតអង់គ្លេសប្រចាំប្រទេសចិន លោកស្រី Caroline Wilson បាននិយាយថា លោក ជាំង ហ្សេមីន គឺជាមេដឹកនាំចិនដំបូងគេដែលធ្វើទស្សនកិច្ចនៅចក្រភពអង់គ្លេស បានត្រួតពិនិត្យការប្រគល់ហុងកុងត្រឡប់ទៅឲ្យប្រទេសចិនក្នុងឆ្នាំ 1997 និងការចូលរបស់ប្រទេសចិនចូលទៅក្នុងអង្គការពាណិជ្ជកម្មពិភពលោកក្នុងឆ្នាំ 2001។ “ចក្រភពអង់គ្លេសសូមចូលរួមរំលែកទុក្ខរបស់ខ្លួន” នាងបានបង្ហោះសារកាលពីថ្ងៃព្រហស្បតិ៍ ។
លោកស្រី Caroline Wilson ក៏បានកត់សម្គាល់ផងដែរថា លោក ជាំង ហ្សេមីន កើតនៅឆ្នាំ 1926 ដែលជាឆ្នាំដូចគ្នាជាមួយម្ចាស់ក្សត្រី Elizabeth ។ ខណៈអតីតព្រះមហាក្សត្រអង់គ្លេសបានសោយទិវង្គតនៅខែកញ្ញា ។
លោក Nicolas Burns ឯកអគ្គរដ្ឋទូតអាម៉េរិកប្រចាំនៅប្រទេសចិន ក៏បានបង្ហោះសារលើ Twitter ថា លោក លោក ជាំង ហ្សេមីន បានធ្វើការដើម្បីជំរុញទំនាក់ទំនងរវាងសហរដ្ឋអាម៉េរិក និងចិននៅក្នុង “ពេលវេលាដ៏សមស្របមួយ ខណៈពេលដែលការគ្រប់គ្រងភាពខុសគ្នារបស់យើង ដែលជាការចាំបាច់ដែលបន្តនៅថ្ងៃនេះ”។ លោកបាននិយាយថា សហរដ្ឋអាម៉េរិកបានផ្ញើសាររំលែកទុក្ខដល់គ្រួសាររបស់លោក ជាំង ហ្សេមីន និងប្រជាជនចិន។
ជាមួយគ្នានេះដែរ កាលពីថ្ងៃព្រហស្បតិ៍ ស្ថានទូតឥណ្ឌានៅទីក្រុងប៉េកាំងបានសម្តែង “ការរំលែកទុក្ខដ៏ក្រៀមក្រំបំផុតចំពោះមរណភាពរបស់អតីតប្រធានាធិបតីនៃសាធារណរដ្ឋប្រជាមានិតចិន លោក ជាំង ហ្សេមីន ” នៅក្នុងការបង្ហោះនៅលើ Weibo ។
ប្រភព ៖
South China Morning Post