នាយកប្រតិបត្តិក្រុមហ៊ុនផលិតបន្ទះឈីបពីរនាក់បាននិយាយថា ប្រទេសវៀតណាមកំពុងពិភាក្សាជាមួយក្រុមហ៊ុនបន្ទះឈីបក្នុងគោលបំណងជំរុញការវិនិយោគនៅក្នុងប្រទេស និងអាចសាងសង់រោងចក្រផលិតបន្ទះឈីបដំបូងរបស់ខ្លួន បើទោះជាមានការព្រមានពីមន្ត្រីឧស្សាហកម្មអាម៉េរិកអំពីការចំណាយខ្ពស់ក៏ដោយ ។
វៀតណាមដែលជាមជ្ឈមណ្ឌលផលិតគ្រឿងអេឡិចត្រូនិកនៅអាស៊ីអាគ្នេយ៍បានរៀបចំការវេចខ្ចប់ និងសាកល្បងផលិតឧបករណ៍អេឡិចត្រូនិកដ៏ធំបំផុតរបស់ Intel របស់អាម៉េរិករួចហើយ ហើយជាកន្លែងសម្រាប់ក្រុមហ៊ុនសូហ្វវែររចនាបន្ទះឈីបជាច្រើនតាំងទីបន្ទាប់ពីប្រទេសចិន ។ វៀតណាមក៏កំពុងធ្វើការលើយុទ្ធសាស្រ្តដើម្បីទាក់ទាញការវិនិយោគលើវិស័យ semiconductor បន្ថែមទៀតដែលផ្តោតលើការផលិតបន្ទះឈីប ។
លោក Vu Tu Thanh ប្រធានការិយាល័យវៀតណាមនៃក្រុមប្រឹក្សាធុរកិច្ចអាម៉េរិក-អាស៊ានបានប្រាប់ Reuters មានកិច្ចប្រជុំជាមួយក្រុមហ៊ុនផលិតបន្ទះឈីបចំនួន ៦ ក្រុមហ៊ុនបានធ្វើឡើងក្នុងប៉ុន្មានសប្តាហ៍ថ្មីៗនេះ ។ លោកបដិសេធមិនបញ្ជាក់អត្តសញ្ញាណក្រុមហ៊ុននោះទេ ដោយសារតែការចរចានៅតែស្ថិតក្នុងដំណាក់កាលបឋម ។
រដ្ឋាភិបាលវៀតណាមបាននិយាយថា ខ្លួនចង់បានរោងចក្រផលិតបន្ទះឈីបដំបូងរបស់ខ្លួននៅចុងទសវត្សរ៍នេះ ហើយបានបន្ថែមថាក្រុមហ៊ុនបន្ទះឈីបនឹងទទួលបានអត្ថប្រយោជន៍ពី “ការលើកទឹកចិត្តខ្ពស់បំផុតដែលមាននៅក្នុងប្រទេសវៀតណាម”។
Reuters
