ប្រព័ន្ធផ្សព្វផ្សាយរដ្ឋចិនបានរាយការណ៍ថា ប្រធានាធិបតីចិនលោក ស៊ី ជីនពីង បានជួបជាមួយអតីតប្រធានាធិបតីតៃវ៉ាន់លោក Ma Ying-jeou នៅទីក្រុងប៉េកាំងនៅថ្ងៃពុធទី ១០មេសានេះ ដែលជាលើកទីពីរហើយដែលអ្នកទាំង២បានជួបគ្នាដែលលើកទី១ក្នុងអំឡុងពេលលោក Ma Ying-jeouធ្វើជាប្រធានាធិបតីតៃវ៉ាន់ និងចំពេលដែលភាពតានតឹងកំពុងបន្តរវាងបងប្អូនទាំងពីរនៃច្រកសមុទ្រតៃវ៉ាន់។
ចាប់តាំងពីរដ្ឋាភិបាលសាធារណរដ្ឋចិនដែលចាញ់សង្រ្គាមបានភៀសខ្លួនទៅកោះតៃវ៉ាន់ក្នុងឆ្នាំ ១៩៤៩ គ្មានមេដឹកនាំតៃវ៉ាន់ណាម្នាក់បានទៅលេងប្រទេសចិនទេ ។
លោក Ma ដែលជាប្រធានាធិបតីតៃវ៉ាន់ពីឆ្នាំ ២០០៨ ដល់ឆ្នាំ ២០១៦ កាលពីឆ្នាំមុនបានក្លាយជាអតីតមេដឹកនាំតៃវ៉ាន់ដំបូងគេដែលបានធ្វើទស្សនកិច្ចទៅកាន់ប្រទេសចិន ហើយឥឡូវនេះលោកកំពុងធ្វើដំណើរទៅកាន់ប្រទេសចិនជាលើកទីពីរ។ ប្រព័ន្ធផ្សព្វផ្សាយរដ្ឋចិនមិនបានផ្តល់ព័ត៌មានលម្អិតភ្លាមៗអំពីជំនួបរបស់ពួកគេក្នុងទីក្រុងប៉េកាំងទេ ដោយគ្រាន់តែនិយាយថាពួកគេបានជួបគ្នា ។
លោក Ma នៅតែជាសមាជិកជាន់ខ្ពស់នៃគណបក្សប្រឆាំងដ៏សំខាន់របស់តៃវ៉ាន់ គឺ គួមិញតាង (KMT) ដែលកាលពីខែមករាបានចាញ់ការបោះឆ្នោតប្រធានាធិបតីជាលើកទីបីជាប់ៗគ្នា ។
Reuters
