រដ្ឋបាលរបស់ប្រធានាធិបតីអាម៉េរិក ចូ បៃដិន បាននិយាយកាលពីថ្ងៃចន្ទថា លោកនឹងវេតូលើច្បាប់ថវិកាដែលដាក់ដោយសភាតំណាងរាស្រ្តបក្សសាធារណរដ្ឋ ដែលនឹងផ្តល់ជំនួយដល់អ៊ីស្រាអែលចំនួន ១៧,៦ ពាន់លានដុល្លារ ប៉ុន្តែមិនមានជំនួយសម្រាប់អ៊ុយក្រែន ខណៈដែលសេតវិមានជំរុញឱ្យមានវិធានការផ្តល់ជំនួយដល់អ៊ុយក្រែន និងអ៊ីស្រាអែល និងផ្តល់មូលនិធិថ្មីសម្រាប់សន្តិសុខព្រំដែន។
មន្ត្រីសេតវិមានបានធ្វើការជាច្រើនខែជាមួយព្រឹទ្ធសភាគណបក្សប្រជាធិបតេយ្យ និងគណបក្សសាធារណរដ្ឋលើច្បាប់ ដែលរួមបញ្ចូលគ្នានូវការផ្តល់មូលនិធិថ្មីសម្រាប់សន្តិសុខព្រំដែន ជាមួយនឹងជំនួយសង្គ្រោះបន្ទាន់រាប់ពាន់លានដុល្លារសម្រាប់អ៊ុយក្រែន អ៊ីស្រាអែល និងដៃគូនៅក្នុងតំបន់ឥណ្ឌូប៉ាស៊ីហ្វិកដែលមានតម្លៃជាង ១១៨ ពាន់លានដុល្លារ ។
ប្រធានសភាមកពីគណបក្សសាធារណរដ្ឋ លោក Mike Johnson បានប្រកាសថា សភានឹងច្រានចោលច្បាប់ដែលមានតម្លៃជាង ១១៨ ពាន់លានដុល្លារនេះហើយជំនួសមកវិញបោះឆ្នោតនៅសប្តាហ៍នេះលើវិធានការផ្តល់ជំនួយសម្រាប់តែអ៊ីស្រាអែលប៉ុណ្ណោះ ។
Reuters
