លោកស្រី Liz Truss ត្រូវបានតែងតាំងជានាយករដ្ឋមន្ត្រីបន្ទាប់របស់ចក្រភពអង់គ្លេសនៅថ្ងៃចន្ទនេះ ដោយបានឈ្នះការប្រកួតប្រជែងភាពជាអ្នកដឹកនាំសម្រាប់គណបក្សអភិរក្សដែលកំពុងគ្រប់គ្រងរដ្ឋាភិបាល នៅពេលដែលប្រទេសនេះកំពុងប្រឈមមុខនឹងវិបត្តិជីវភាពរស់នៅ ភាពចលាចលក្នុងឧស្សាហកម្ម និងវិបត្តិសេដ្ឋកិច្ច ។ នេះបើយោងតាមការចេញផ្សាយដោយសារព័ត៌មាន Reuters ។
បន្ទាប់ពីប៉ុន្មានសប្តាហ៍នៃការប្រកួតប្រជែងភាពជាអ្នកដឹកនាំរវាងរដ្ឋមន្ត្រីការបរទេសជាមួយនឹងអតីតរដ្ឋមន្ត្រីហិរញ្ញវត្ថុលោក Rishi Sunak លោកស្រី Truss បានឈរនៅលើកំពូលនៅក្នុងការបោះឆ្នោតរបស់សមាជិកគណបក្សអភិរក្សនិយម ។
សេចក្តីប្រកាសនេះជំរុញឱ្យមានការចាប់ផ្តើមការប្រគល់អំណាចពីលោក Boris Johnson ដែលត្រូវបានបង្ខំឱ្យប្រកាសលាលែងពីតំណែងកាលពីខែកក្កដា ។
