លោកប្រធានាធិបតីលោក ចូ បៃដិន បាននិយាយកាលពីថ្ងៃព្រហស្បតិ៍ថា លោករំពឹងថានឹងបាននិយាយជាមួយប្រធានាធិបតីចិនលោក ស៊ី ជីនពីង អំពីអ្វីដែលសហរដ្ឋអាម៉េរិកនិយាយថា គឺជាបាឡុងចារកម្មរបស់ចិន ដែលយន្តហោះចម្បាំងរបស់សហរដ្ឋអាមេរិកបានបាញ់ទម្លាក់នៅដើមខែនេះ បន្ទាប់ពីវាបានឆ្លងកាត់សហរដ្ឋអាមេរិក។ ដោយលោក បៃដិន បាននិយាយថាយើងនឹងមិនបង្កសង្គ្រាមត្រជាក់ម្តងទៀតនោះទេ។
លោក បៃដិន បាននិយាយនៅក្នុងសុន្ទរកថាដ៏ទូលំទូលាយបំផុតរបស់គាត់អំពីបាឡុងរបស់ចិន និងវត្ថុមិនស្គាល់អត្តសញ្ញាណចំនួនបីដែលត្រូវបានបាញ់ទម្លាក់ដោយយុទ្ធជនអាម៉េរិក ដោយមិនបានប្រាប់ថានៅពេលណាដែលគាត់នឹងនិយាយជាមួយលោក ស៊ី នោះទេ ប៉ុន្តែបាននិយាយថា សហរដ្ឋអាម៉េរិកកំពុងបន្តទំនាក់ទំនងការទូតជាមួយប្រទេសចិនលើបញ្ហានេះ។
ខ្ញុំរំពឹងថានឹងបាននិយាយជាមួយប្រធានាធិបតី ស៊ី ។ ខ្ញុំសង្ឃឹមថា យើងនឹងយល់ពីឫសគល់នៃបញ្ហានេះ ប៉ុន្តែខ្ញុំមិនសុំទោសចំពោះការទម្លាក់បាឡុងនោះទេ” លោក បៃដិន បាននិយាយនៅក្នុងការឆ្លើយតបទៅនឹងការត្អូញត្អែរពីទីក្រុងប៉េកាំង។បន្ទាប់ពីសុន្ទរកថា លោក បៃដិន បានប្រាប់ NBC News ថា ខ្ញុំគិតថារឿងចុងក្រោយដែលលោក ស៊ី ចង់បានគឺការផ្តាច់ទំនាក់ទំនងជាមូលដ្ឋានជាមួយសហរដ្ឋអាម៉េរិក និងជាមួយខ្ញុំ ។
គួរឱ្យដឹងផងដែរថា ប្រទេសចិននិយាយថា បាឡុងកម្ពស់ 200 ហ្វីត (60 ម៉ែត្រ) ដែលបាញ់ទម្លាក់គឺសម្រាប់តាមដានលក្ខខណ្ឌអាកាសធាតុ ប៉ុន្តែទីក្រុងវ៉ាស៊ីនតោននិយាយថា វាច្បាស់ណាស់ថាវាជាបាឡុងឃ្លាំមើលដែលមានបាតក្រោមដ៏ធំដែលគ្រប់គ្រងដោយគ្រឿងអេឡិចត្រូនិក។
ប្រភព៖ RT
By Chanratanak
