តៃវ៉ាន់បាននិយាយថា ចិនបានបញ្ជូនយន្តហោះយោធាចំនួន ៦៨ គ្រឿង និងបានបញ្ជូននាវាកងទ័ពជើងទឹកចំនួន ១០ គ្រឿងទៅកាន់តំបន់ជុំវិញកោះដែលគ្រប់គ្រងដោយខ្លួនឯងនៅក្នុងអ្វីដែលហាក់ដូចជាថ្ងៃទី 2 នៃសមយុទ្ធហ្វឹកហ្វឺនយោធាដែលដឹកនាំដោយនាវាដឹកយន្តហោះ Shandong ។
ក្រសួងការពារជាតិតៃវ៉ាន់បាននិយាយនៅក្នុងសេចក្តីថ្លែងការណ៍មួយថា យន្តហោះរបស់កងទ័ពរំដោះប្រជាជនចិន PLA ចំនួន ៦៨ គ្រឿងនិងនាវាចម្បាំងចំនួន ១០ ត្រូវបានរកឃើញនៅជុំវិញកោះតៃវ៉ាន់ ” នៅម៉ោងប្រហែល 6 ព្រឹកថ្ងៃព្រហស្បតិ៍ ។ ចំនួននេះគឺកើនឡើងយ៉ាងខ្លាំងពីថ្ងៃម្សិលមិញ នៅពេលដែលទីក្រុងតៃប៉ិបាននិយាយថាខ្លួនបានរកឃើញយន្តហោះចម្បាំងចំនួន ៣៥ គ្រឿង។
ក្រសួងការពារជាតិតៃវ៉ាន់បាននិយាយថា យន្តហោះ និងនាវាចម្បាំងមួយចំនួនកំពុងធ្វើដំណើរទៅកាន់តំបន់ប៉ាស៊ីហ្វិកខាងលិច ដើម្បីធ្វើការហ្វឹកហាត់រួមគ្នាលើសមុទ្រ និងផ្លូវអាកាសជាមួយនាវាផ្ទុកយន្តហោះ Shandong”។ តៃវ៉ាន់បានបញ្ជាក់ថា នាវាផ្ទុកយន្តហោះមួយក្នុងចំណោមនាវាផ្ទុកយន្តហោះពីររបស់ចិន កំពុងស្ថិតនៅចម្ងាយប្រហែល ១១១ គីឡូម៉ែត្រភាគអាគ្នេយ៍នៃកោះនេះ ហើយធ្វើដំណើរទៅកាន់ប៉ាស៊ីហ្វិកខាងលិច ។
ចិនមិនបានធ្វើអត្ថាធិប្បាយជាផ្លូវការលើសមយុទ្ធយោធាណាមួយដែលកំពុងធ្វើនៅក្នុងតំបន់នោះទេ ។ ទីក្រុងប៉េកាំង ដែលចាត់ទុកកោះតៃវ៉ាន់ជាទឹកដីរបស់ខ្លួន ហើយមិនបានច្រានចោលការប្រើប្រាស់កម្លាំងដើម្បីសម្រេចគោលដៅរបស់ខ្លួននោះ បានបង្កើនសម្ពាធផ្នែកយោធា និងនយោបាយលើកោះប្រជាធិបតេយ្យ ក្នុងការប៉ុនប៉ងពង្រឹងការទាមទារអធិបតេយ្យភាពរបស់ខ្លួន ។
Al Jazeera
