ភ្លៀងធ្លាក់ខ្លាំងបានបោកបក់ពាសពេញទីក្រុងឌូបៃ និងប្រទេសអារ៉ាប់រួមកាលពីថ្ងៃសៅរ៍ ដែលបណ្តាលឱ្យមានទឹកជំនន់ក្នុងតំបន់ និងរំខានដល់ជើងហោះហើរនៅឯអាកាសយានដ្ឋានដ៏មមាញឹកបំផុតរបស់ពិភពលោក ។
ភ្លៀងធ្លាក់កម្ពស់ជិត ៥០ មីលីម៉ែត្រ នៅទីក្រុងឌូបៃមានរយៈពេលប្រាំមួយម៉ោង ដែលជាបរិមាណដ៏ច្រើននៅពេលដែលប្រទេសទាំងមូលមានភ្លៀងធ្លាក់ជាមធ្យមក្រោម ១២០ មីលីម៉ែត្រក្នុងមួយឆ្នាំ ។ អាជ្ញាធរបានប្រមូលដើមឈើដែលរលំហើយបើកប្រឡាយលូ បើទោះជាភ្លៀងបានជន់លិចតំបន់មួយចំនួនយ៉ាងឆាប់រហ័ស។
នៅអាកាសយានដ្ឋានអន្តរជាតិឌូបៃ ដែលជាកន្លែងមមាញឹកបំផុតសម្រាប់ការធ្វើដំណើរអន្តរជាតិ ជើងហោះហើរទាំងក្រុមហ៊ុនអាកាសចរណ៍ Emirates និងក្រុមហ៊ុនអាកាសចរណ៍ FlyDubai ត្រូវបានរំខាននៅពេលមានភ្លៀងធ្លាក់ខ្លាំង ។
អាជ្ញាធរបានព្រមានសាធារណជនអំពីព្យុះដែលនឹងមកដល់ក្នុងរយៈពេលមួយថ្ងៃជាមុន ដោយបុគ្គលិកសង្គ្រោះបន្ទាន់កំពុងរៀបចំសម្រាប់ភ្លៀងដ៏កម្រនេះ ។ ភ្លៀងធ្លាក់គឺជារឿងមិនធម្មតាទេនៅក្នុងប្រទេសអារ៉ាប់ដែលស្ងួតហួតហែងនេះ ប៉ុន្តែកើតឡើងជាទៀងទាត់ក្នុងអំឡុងពេលរដូវរងា ។
AP