ព្យុះទីហ្វុង Nanmadol បាននឹងកំពុងបោកបក់នៅភាគខាងលិចប្រទេសជប៉ុន ជាមួយនឹងភ្លៀងធ្លាក់ខ្លាំង និងខ្យល់បក់បោកខ្លាំងនៅថ្ងៃចន្ទនេះ ដោយបង្ខំឱ្យក្រុមហ៊ុនអាកាសចរណ៍នានាលុបចោលជើងហោះហើរ ប្រតិបត្តិការរថភ្លើងត្រូវបានរំខាន និងធ្វើឱ្យគ្រួសារជាង 300,000 គ្មានថាមពល ។
អាជ្ញាធរបានព្រមានអំពីទឹកជំនន់ និងការរអិលបាក់ដី ខណៈដែលព្យុះទីហ្វុងទី 14 នេះបានធ្វើដំណើរឆ្ពោះទៅភាគខាងកើតប្រទេសជប៉ុន។
ទីភ្នាក់ងារឧតុនិយមជប៉ុនបាននិយាយថា ភ្លៀងរហូតដល់ 400 មីលីម៉ែត្រ (15.75 អ៊ីញ) ត្រូវបានគេរំពឹងថានឹងកើតឡើងនៅក្នុងតំបន់ Tokai ភាគកណ្តាលរបស់ប្រទេសជប៉ុន ដែលជាតំបន់បេះដូងឧស្សាហកម្មរបស់ប្រទេសនេះ ក្នុងរយៈពេល 24 ម៉ោងបន្ទាប់ ។
ខ្សែវីដេអូក្នុងទូរទស្សន៍បានបង្ហាញពីភ្លើងសញ្ញាចរាចរណ៍ដែលបានដួលរលំ និងដីស្រែដែលលិចទឹក ។
ក្រុមហ៊ុន Kyushu Railway ដែលជាប្រតិបត្តិកររថភ្លើងបម្រើដល់កោះ Kyushu ភាគខាងលិចរបស់ប្រទេសជប៉ុនបាននិយាយថា ខ្លួនបានផ្អាកប្រតិបត្តិការទាំងអស់កាលពីថ្ងៃចន្ទ ខណៈដែលក្រុមហ៊ុន Japan Airline និង ANA Holdings បានលុបចោលជើងហោះហើររបស់ខ្លួនប្រហែល 800 ។
ក្រសួងពាណិជ្ជកម្មបាននិយាយថា គ្រួសារប្រហែល 340,000 ដែលភាគច្រើននៃពួកគេនៅលើកោះ Kyushu គឺគ្មានអគ្គិសនីប្រើប្រាស់គិតត្រឹមព្រឹកថ្ងៃចន្ទនេះ ។