ប្រធានាធិបតីចិន លោក ស៊ី ជីនពីង មានគម្រោងធ្វើទស្សនកិច្ចទៅកាន់ប្រទេសអារ៉ាប៊ីសាអ៊ូឌីត នៅក្នុងថ្ងៃព្រហស្បតិ៍ សម្រាប់ដំណើរទស្សនៈកិច្ច ២ថ្ងៃកំឡុងពេលដែលមានភាពតានតឹងខ្លាំងរវាងអាម៉េរិកនិងពីរប្រទេសដទៃទៀត ។
ការធ្វើដំណើររបស់លោក ស៊ី ជីនពីង ទីកាន់ទីក្រុង Riyadh នឹងរួមបញ្ចូលទាំងការប្រជុំកំពូល ចិន-អារ៉ាប់ និងការប្រជុំពិភាក្សា China-GCC បើយោងតាមប្រភពបួនផ្សេងគ្នា ។
យ៉ាងហោចណាស់ក៏មានថ្នាក់ដឹកនាំកំពូលអារ៉ាប់ប្រមាណជា១៤នាក់ ដែលត្រូវបានគេរំពឹងថានឹងចូលរួមក្នុងការប្រជុំកំពូល ចិន-អារ៉ាប់, បើយោងតាមទូតរបស់អារ៉ាប់ដែលបានបកស្រាយថា ការធ្វើដំណើរនេះប្រៀបបាននឹងការរក្សាទំនាក់ទំនងដ៏សំខាន់រវាងអារ៉ាប់និងចិន ។
ប្រភពដែលបានលើកឡើងនេះពួកគេបាននិយាយជាលក្ខណៈអនាមិកពីព្រោះពួកគេមិនត្រូវបានអនុញ្ញាតអោយនិយាយរឿងនេះ នៅលើប្រព័ន្ធផ្សព្វផ្សាយឡើយ។
ពាក្យចចាមអារ៉ាមដែលប្រធានាធិបតីចិនធ្វើទស្សនៈកិច្ចនៅប្រទេសដែលជាសម្ពន្ធមិត្តអាម៉េរិកដ៏ធំនៅមជ្ឈឹមបូព៌ានេះបានលេចលឺជាច្រើនខែមកហើយប៉ុន្តែនៅតែមិនមានការបញ្ជាក់ឱ្យច្បាស់ពីរដ្ឋាភិបាលប្រទេសទាំងពីរនេះឡើយ ។
ប្រភព ៖
CNN