បុរសម្នាក់ត្រូវប៉ូលិសចាប់ខ្លួនបន្ទាប់ពីចាប់បោកក្បាលអ្នកដឹកជញ្ជូនអាហារទៅនឹងកញ្ចក់រថយន្ត ក្រោយពេលដឹកស្រាឲ្យខ្លួនយឺត ។
បើតាមសាក្សីបាននិយាយថា បុរសម្នាក់ជាជនបរទេសម្នាក់បានទិញស្រាចំនួន១០ដប ហើយរៀបចំឲ្យអ្នកដឹកជញ្ជូនដឹកទៅខុនដូរបស់ខ្លួន ។
នៅពេលអ្នកដឹកជញ្ជូនមកដល់ បុរសម្នាក់ជាជនបរទេសម្នាក់នោះផ្ទុះកំហឹងជាខ្លាំង ដោយអះអាងថា អ្នកដឹកជញ្ជូនមកយឺតប៉ុន្មាននាទី បន្ទាប់មកបានវាយប្រហារអ្នកបើកបរដឹកជញ្ជូន ដោយទាញក្បាលរបស់គាត់ទៅបោកនឹងកញ្ចក់រថយន្តនៅក្បែរនោះ ។ អ្នកដឹកជញ្ជូលរូបនោះបានរងរបួសក្បាលក្រោយពេលរងការវាយប្រហារ ។
ក្រោយពេលកើតហេតុ សមត្ថកិច្ចមូលដ្ឋានបានចុះមកដល់ ហើយបាននាំខ្លួនបុរស និងអ្នកដឹកជញ្ជូនអាហាររូបនោះទៅកាន់ប៉ុស្តិ៍នគរបាលរដ្ឋបាលសង្កាត់បឹងកេងកងទី១ ដើម្បីធ្វើការសួរនាំបន្ត ។ ក្រោយពេលសួរចម្លើយជនដៃដល់បានព្រមចេញថ្លៃខូចខាតទៅជនរងគ្រោះដើម្បីបញ្ចប់រឿង ។
ប្រភព ៖ Khmer Times
By Suon Visal
