ប្រទេសថៃ និងអូស្ត្រាលីបានព្រមព្រៀងគ្នាពិចារណាលើលទ្ធភាពនៃគម្រោងលើកលែងទិដ្ឋាការទៅវិញទៅមកសម្រាប់ការធ្វើដំណើរ និងសកម្មភាពអាជីវកម្មរវាងប្រជាជននៃប្រទេសទាំងពីរ ។ សំណើនេះត្រូវបានលើកឡើងក្នុងជំនួបរវាងនាយករដ្ឋមន្ត្រីថៃលោក សេដ្ឋា ថាវីស៊ីន និងអគ្គទេសាភិបាលអូស្ត្រាលីលោក David Hurley ក្នុងទីក្រុងបាងកក កាលពីថ្ងៃទី ១៤ ខែកុម្ភៈ ។
នៅក្នុងកិច្ចប្រជុំនោះលោក សេដ្ឋា ថាវីស៊ីនបានបញ្ជាក់ពីការប្តេជ្ញាចិត្តរបស់រដ្ឋាភិបាលថៃ ក្នុងការចាត់វិធានការលើកកម្ពស់វិស័យទេសចរណ៍ រួមទាំងការធានាសុវត្ថិភាព និងបង្កើតលក្ខខណ្ឌអំណោយផលសម្រាប់សកម្មភាពធ្វើដំណើររបស់ភ្ញៀវទេសចរអូស្ត្រាលី ។
Bangkok Post
