យោងតាមរូបថតពីផ្កាយរណបដែលបានវិភាគដោយសារព័ត៌មាន Associated Press បានឱ្យដឹងថា ប្រទេសចិនហាក់ដូចជាកំពុងសាងសង់ផ្លូវរត់សម្រាប់ចុះចតយន្តហោះនៅលើកោះដែលមានជម្លោះនៅសមុទ្រចិនខាងត្បូង ដែលត្រូវបានទាមទារដោយវៀតណាម និងតៃវ៉ាន់ផងដែរ ។
ការសាងសង់នេះធ្វើឡើងនៅលើកោះ Triton ក្នុងប្រជុំកោះ Paracel ។ ការអភិវឌ្ឍន៍ភ្លាមៗនៅលើកោះ Triton ដែលគ្រប់គ្រងដោយចិនត្រូវបានបង្ហាញនៅក្នុងរូបភាពផ្កាយរណប ។ ច្បាស់ណាស់ ការងារនៅតែស្ថិតក្នុងដំណាក់កាលដំបូងនៅឡើយ ប៉ុន្តែវាគួរឱ្យភ្ញាក់ផ្អើលដោយសារការសាងសង់ដ៏លឿនរបស់ចិន ។ រូបភាពពីផ្កាយរណបបង្ហាញពីកន្លែងធ្វើការថ្មីដ៏ធំ រួមទាំងរោងចក្រស៊ីម៉ងត៍ផងដែរ ។
ផ្លូវរត់ដូចដែលកំពុងសាងសង់មានប្រវែងជាង ៦០០ ម៉ែត្រដែលវែងល្មមសម្រាប់ចុះចតយន្តហោះធុនតូច និងយន្តហោះគ្មានមនុស្សបើក ប៉ុន្តែមិនអាចចុះចតយន្តហោះចម្បាំង ឬយន្តហោះទម្លាក់គ្រាប់បែកនោះទេ ។
ចិនទាមទារស្ទើរតែសមុទ្រចិនខាងត្បូងទាំងមូលជារបស់ខ្លួន ដោយបដិសេធការទាមទាររបស់អ្នកដទៃ និងប្រឆាំងនឹងសេចក្តីសម្រេចអន្តរជាតិដែលធ្វើឱ្យការអះអាងរបស់ខ្លួនមិនមានសុពលភាព។
AP
