កម្ពុជាបានបញ្ជាក់ឡើងវិញនូវគោលនយោបាយចិនតែមួយ និងប្រឆាំងសកម្មភាពបំបែកខ្លួនដើម្បីស្វែងរកឯករាជ្យភាពតៃវ៉ាន់ នេះបើតាមសេចក្តីថ្លែងការណ៍រួមរវាងរដ្ឋាភិបាលកម្ពុជា និងសាធារណរដ្ឋប្រជាមានិតចិន ដែលចេញផ្សាយនៅរសៀលថ្ងៃទី១១ ខែវិច្ឆិកា ដោយក្រសួងការបរទេស និងកិច្ចសហប្រតិបត្តិការអន្តរជាតិ ។
សេចក្តីថ្លែងការណ៍រួមនេះត្រូវបានចេញផ្សាយក្នុងអំឡុងទស្សនកិច្ចរបស់នាយករដ្ឋមន្ត្រីចិន Li Keqiang មកកាន់ប្រទេសកម្ពុជាចាប់ពីថ្ងៃទី ៨ ដល់ថ្ងៃទី ១១ ខែវិច្ឆិកា មុនពេលលោកចូលរួមកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ ។
កម្ពុជាបានបញ្ជាក់ជាថ្មីនូវការប្រកាន់ខ្ជាប់យ៉ាងម៉ឺងម៉ាត់ចំពោះគោលនយោបាយចិនតែមួយ និងការប្រឆាំងចំពោះសកម្មភាព ឬការកត់សម្គាល់ណាមួយដែលបំផ្លាញអធិបតេយ្យភាព និងបូរណភាពទឹកដីរបស់ប្រទេសចិន គ្រប់ទម្រង់នៃសកម្មភាពបំបែកខ្លួនដែលស្វែងរក “ឯករាជ្យភាពតៃវ៉ាន់” និងការជ្រៀតជ្រែកពីខាងក្រៅក្នុងកិច្ចការផ្ទៃក្នុងនៃរដ្ឋអធិបតេយ្យ ក្រោមការបង្កលេសណាមួយ។
“កម្ពុជាគាំទ្ររាល់កិច្ចខិតខំប្រឹងប្រែងរបស់ចិន ដើម្បីការពារផលប្រយោជន៍ស្នូល និងសម្រេចបាននូវការបង្រួបបង្រួមជាតិឡើងវិញ។ គណៈប្រតិភូចិនបានសម្តែងការកោតសរសើរចំពោះកម្ពុជាក្នុងបញ្ហានេះ»។
