កងទ័ពអាកាសអាម៉េរិកម្នាក់ចាក់សាំងដុតសម្លាប់ខ្លួនឯងនៅខាងក្រៅស្ថានទូតអ៊ីស្រាអែលក្នុងទីក្រុងវ៉ាស៊ីនតោនក្នុងការតវ៉ាប្រឆាំងនឹងសង្គ្រាមនៅតំបន់ហ្គាហ្សា

យោធាអាម៉េរិកម្នាក់បានចាក់សាំងដុតខ្លួនឯងនៅខាងក្រៅស្ថានទូតអ៊ីស្រាអែលក្នុងទីក្រុងវ៉ាស៊ីនតោនក្នុងការតវ៉ាប្រឆាំងនឹងសង្គ្រាមនៅតំបន់ហ្គាហ្សាកាលពីរសៀលថ្ងៃអាទិត្យ ។ បុរសនោះត្រូវបានបញ្ជូនទៅកាន់មន្ទីរពេទ្យក្នុងតំបន់ បន្ទាប់ពីចាក់សាំងដុតខ្លួនឯងហើយភ្លើងត្រូវបានពន្លត់ដោយមន្ត្រីសេវាសម្ងាត់អាម៉េរិក និងត្រូវបានស្លាប់នៅក្នុងមន្ទីរពេទ្យ។ អ្នកនាំពាក្យនាយកដ្ឋានប៉ូលីសក្រុងបាននិយាយកាលពីរសៀលថ្ងៃអាទិត្យថា បុរសនេះស្ថិតក្នុងស្ថានភាពធ្ងន់ធ្ងរនៅឡើយ។ អ្នកនាំពាក្យកងទ័ពអាកាសបានបញ្ជាក់ថា យោធាអាម៉េរិកម្នាក់បានចាក់សាំងដុតខ្លួនឯងនោះជាអ្នកបើកយន្តហោះចម្បាំង ។

យោធាអាម៉េរិកម្នាក់នេះបាននិយាយក្នុងវីដេអូដែលគាត់បានផ្សាយផ្ទាល់តាមអ៊ីនធឺណិតមុនពេលចាក់សាំងដុតខ្លួនឯងថា ខ្ញុំលែងចូលដៃក្នុងអំពើប្រល័យពូជសាសន៍ទៀតហើយ ។ កាសែត  New York Times បានរាយការណ៍ថា បន្ទាប់មកគាត់បានលេបខ្លួនគាត់ក្នុងអង្គធាតុរាវមួយ ហើយដុតខ្លួនឯងដោយស្រែកថា “ដោះលែងប៉ាឡេស្ទីន” ។ ប៉ូលិសក្នុងតំបន់ និងភ្នាក់ងារស៊ើបការណ៍សម្ងាត់កំពុងស៊ើបអង្កេតឧប្បត្តិហេតុនេះ។

ស្ថានទូតអ៊ីស្រាអែលបានក្លាយជាគោលដៅនៃការបន្តការតវ៉ាប្រឆាំងនឹងសង្គ្រាមនៅហ្គាហ្សា ។ កងកម្លាំងអ៊ីស្រាអែលបានបើកប្រតិបត្តិការយោធាប្រឆាំងនឹងតំបន់ហ្គាហ្សាដោយបណ្ដាលឲ្យមានមនុស្សជិត 30,000 នាក់បានស្លាប់ នេះបើយោងតាមមន្ត្រីសុខាភិបាលប៉ាឡេស្ទីន ។

Reuters