កងកម្លាំងទ័ពជើងទឹករបស់ប្រទេសជប៉ុន សហរដ្ឋអាម៉េរិក និងកូរ៉េខាងត្បូង នឹងធ្វើសមយុទ្ធយោធារួមគ្នានៅថ្ងៃសុក្រ នេះបើតាមកងកម្លាំងស្វ័យការពារដែនសមុទ្ររបស់ប្រទេសជប៉ុន (MSDF) បានប្រកាសនៅថ្ងៃព្រហស្បតិ៍នេះ ។
MSDF បាននិយាយថា សមយុទ្ធនេះ រួមទាំងសមយុទ្ធប្រឆាំងនាវាមុជទឹក នឹងត្រូវធ្វើឡើងនៅសមុទ្រជប៉ុន ដែលកូរ៉េខាងត្បូងហៅថា សមុទ្រខាងកើត ។
នៅថ្ងៃព្រហស្បតិ៍ អនុប្រធានាធិបតីអាម៉េរិកលោកស្រី Kamala Harris គ្រោងនឹងថ្កោលទោសការសាកល្បងអាវុធរបស់កូរ៉េខាងជើងនៅក្នុងទីក្រុងសេអ៊ូល មុនពេលដំណើរទស្សនកិច្ចលើកដំបូងរបស់លោកស្រីទៅកាន់តំបន់គ្មានយោធា (DMZ) នៅឧបទ្វីបកូរ៉េ ។
ប្រភព ៖ Reuters