លោក បៃដិន ចោទប្រកាន់លោក ពូទីន ពីការគំរាមកំហែងនុយក្លេអ៊ែរដោយមិនមានការទទួលខុសត្រូវ និងបំពានធម្មនុញ្ញអង្គការសហប្រជាជាតិ
Read Time:2 Minute, 37 Second
Views:165

លោក បៃដិន ចោទប្រកាន់លោក ពូទីន ពីការគំរាមកំហែងនុយក្លេអ៊ែរដោយមិនមានការទទួលខុសត្រូវ និងបំពានធម្មនុញ្ញអង្គការសហប្រជាជាតិ

0 0

ប្រធានាធិបតីអាម៉េរិកលោក Joe Biden បានចោទប្រកាន់រុស្ស៊ីកាលពីថ្ងៃពុធថាបានធ្វើឱ្យមានការគំរាមកំហែងដោយមិនមានការប្រុងប្រយ័ត្ន” និងមិនទទួលខុសត្រូវក្នុងការប្រើប្រាស់អាវុធនុយក្លេអ៊ែរ ហើយបាននិយាយថាទីក្រុងម៉ូស្គូបានរំលោភលើគោលការណ៍ស្នូលនៃសមាជិកភាពអង្គការសហប្រជាជាតិដោយការឈ្លានពានអ៊ុយក្រែន ។

ថ្លែងនៅឯមហាសន្និបាតអង្គការសហប្រជាជាតិនៅទីក្រុងញូវយ៉ក លោក បៃដិន បានថ្កោលទោសប្រធានាធិបតីរុស្ស៊ី លោក វ្ល៉ាឌីមៀរ ពូទីន សម្រាប់ការចាប់ផ្តើមសង្រ្គាមនៅអ៊ុយក្រែន ដែលសមាជិកអង្គការសហប្រជាជាតិប្រមាណ ៤០ នាក់កំពុងជួយអ៊ុយក្រែនក្នុងការប្រយុទ្ធប្រឆាំងនឹងរុស្ស៊ីតាមរយៈការផ្តល់ថវិកា និងអាវុធ ។

លោក​ បៃដិន បាននិយាយថា “ជាថ្មីម្តងទៀត ទើបតែថ្ងៃនេះ លោកប្រធានាធិបតី ពូទីន បានធ្វើការគម្រាមកំហែងដោយអាវុធនុយក្លេអ៊ែរ ប្រឆាំងនឹងអឺរ៉ុប ដោយមិនយកចិត្តទុកដាក់ចំពោះទំនួលខុសត្រូវនៃច្បាប់មិនរីកសាយភាយអាវុធនុយក្លេអ៊ែរ”។

លោក​បាន​និយាយ​ថា សង្គ្រាម​នុយក្លេអ៊ែរ​មិន​អាចមានអ្នក​ឈ្នះ​បាន​ទេ ហើយ​ក៏​មិន​ត្រូវ​កើតឡើង​ដែរ​»។

លោក បៃដិន បាននិយាយថា គ្មាននរណាម្នាក់បានគំរាមកំហែងរុស្ស៊ីទេ ទោះបីជាមានការអះអាងផ្ទុយពីនេះក៏ដោយ ហើយថាមានតែរុស្ស៊ីប៉ុណ្ណោះដែលបានស្វែងរកជម្លោះ ។

លោក បៃដិន បាននិយាយថា “សមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិបានឈ្លានពានប្រទេសជិតខាងរបស់ខ្លួន ប៉ុនប៉ងលុបបំបាត់រដ្ឋអធិបតេយ្យមួយចេញពីផែនទី ។ ប្រទេសរុស្ស៊ីបានបំពានដោយឥតខ្មាស់អៀននូវគោលការណ៍ស្នូលនៃធម្មនុញ្ញអង្គការសហប្រជាជាតិ” ។

បេសកកម្មរបស់រុស្ស៊ីប្រចាំអង្គការសហប្រជាជាតិ មិនបានឆ្លើយតបភ្លាមៗចំពោះសំណើសុំការអត្ថាធិប្បាយលើការលើកឡើងរបស់លោក បៃដិន នោះទេ ។

ប្រភព ៖ Reuters

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Leave a Reply

Your email address will not be published.

Previous post លោក ហ្សេលេនស្គី បាននិយាយថា ពិភពលោកនឹងមិនអនុញ្ញាតឱ្យលោកពូទីនប្រើអាវុធនុយក្លេអ៊ែរទេ
Next post លោក ហ្សេលេនស្គី បានអំពាវនាវឱ្យអង្គការសហប្រជាជាតិដាក់ទណ្ឌកម្មរុស្ស៊ី រួមទាំងដកសិទ្ធិវេតូរបស់រុស្ស៊ីនៅអង្គការសហប្រជាជាតិ