ក្រុមហ៊ុន Apple បានកំណត់ថ្ងៃទី ១២ ខែកញ្ញា ជាកាលបរិច្ឆេទសម្រាប់ព្រឹត្តិការណ៍ដាក់បង្ហាញផលិតផលដ៏ធំបំផុតប្រចាំឆ្នាំរបស់ខ្លួន ដែលនឹងមានការដាក់បង្ហាញជាផ្លូវការនូវទូរស័ព្ទជំនាន់ថ្មី iPhone 15 និងនាឡិកាឆ្លាតវៃជំនាន់ចុងក្រោយ ។
ក្រុមហ៊ុនបានប្រកាសនៅលើគេហទំព័ររបស់ខ្លួន និងតាមរយៈអ៊ីមែលក្រោមស្លាក “Wonderlust” ។ បទបង្ហាញនេះនឹងត្រូវបានចាក់ផ្សាយតាមអ៊ីនធឺណិតនៅម៉ោង ១០ ព្រឹកនៅតំបន់ប៉ាស៊ីហ្វិក នៅមហោស្រព Steve Jobs របស់ Apple ក្នុងទីក្រុង Cupertino រដ្ឋកាលីហ្វ័រញ៉ា ។
Apple ស្ថិតក្រោមសម្ពាធខ្លាំងជាងធម្មតាជាមួយនឹងការចេញលក់ iPhone សេរីថ្មីនេះ ។ ការលក់របស់ខ្លួនបានធ្លាក់ចុះក្នុងរយៈពេលបីត្រីមាសជាប់គ្នា ខណៈដែលក្រុមហ៊ុនកំពុងប្រឈមនឹងតម្រូវការដ៏រង្គោះរង្គើសម្រាប់ស្មាតហ្វូន និងឧបករណ៍ផ្សេងទៀត ។ ផលិតផលថ្មីគួរតែជួយស្តារកំណើនលក់ដ៏ធំបំផុតប្រចាំឆ្នាំរបស់ Apple ។ ជាមួយគ្នានេះ iPhone និង Apple Watch នាំមកនូវប្រាក់ចំណូលភាគច្រើនរបស់ក្រុមហ៊ុនបច្ចេកវិទ្យាយក្ស។
Bloomberg
