ការបាត់ខ្លួនរបស់យន្តហោះបានទាក់ទាញការចាប់អារម្មណ៍ពីជុំវិញពិភពលោក ហើយបានបង្កើតទ្រឹស្តីច្រើនរាប់មិនអស់ ។ មានតែកំទេចកំទីពីយន្តហោះតិចតួចប៉ុណ្ណោះដែលត្រូវបានគេរកឃើញ ។
ភាគច្រើននៃអ្នកដំណើររបស់យន្តហោះមាន ១៥៤ នាក់ជាជនជាតិចិន។ សាច់ញាត្តិម្នាក់ដែលបានបាត់បង់កូនប្រុសរបស់គាត់នៅលើយន្តហោះបាននិយាយនៅមុខអគារក្រសួងការបរទេសចិនថា “ចុះយន្តហោះទៅណា? តើមនុស្សនៅឯណា? “ប្រសិនបើគាត់នៅរស់ ខ្ញុំចង់ឃើញគាត់។ បើគាត់ស្លាប់ ខ្ញុំចង់ឃើញសពគាត់»។
ក្រោយមក គ្រួសារទាំងនោះបានទៅស្ថានទូតម៉ាឡេស៊ីនៅទីក្រុងប៉េកាំង ជាកន្លែងដែលពួកគេស្រែកនៅមុខអគារថា «ប្រទេសម៉ាឡេស៊ី សូមប្រគល់មនុស្សជាទីស្រឡាញ់របស់ខ្ញុំមកវិញ! បើមិនបានឃើញពួកគេ យើងនឹងមិនចុះចាញ់ឡើយ»។
កាលពីសប្តាហ៍មុន មន្ត្រីម៉ាឡេស៊ីបាននិយាយថា ពួកគេនឹងពិចារណាឡើងវិញ ដើម្បីស្វែងរកយន្តហោះនេះឡើង បន្ទាប់ពីក្រុមហ៊ុនអាម៉េរិកដែលធ្វើការស្វែងរកពីមុនបានស្នើការប៉ុនប៉ងស្វែងរកថ្មីមួយផ្សេងទៀត។
AP