សភាតំណាងរាស្រ្តអាម៉េរិកបានអនុម័តច្បាប់មួយដែលទទួលបានការគាំទ្រយ៉ាងច្រើនលើសលប់ពីសមាជិកសភាកាលពីថ្ងៃព្រហស្បតិ៍ ដើម្បីហាមឃាត់ការចេញប្រេងបម្រុងពីស្តុកប្រេងយុទ្ធសាស្ត្ររបស់សហរដ្ឋអាម៉េរិ នាំចេញទៅកាន់ប្រទេសចិន ទោះបីជាវិធានការនេះប្រឈមនឹងអនាគតមិនច្បាស់លាស់នៅក្នុងព្រឹទ្ធសភាក៏ដោយ ។
ច្បាប់នេះបានអនុម័តដោយសំឡេង 331-97 នៅក្នុងសភាដែលគណបក្សសាធារណរដ្ឋ ខណៈសំឡេងប្រឆាំងនឹងច្បាប់នេះទាំងអស់បានមកពីសមាជិកសភាគណបក្សប្រជាធិបតេយ្យ។
បញ្ហានៃការនាំចេញប្រេងរបស់សហរដ្ឋអាម៉េរិកទៅកាន់ប្រទេសចិនបានក្លាយជាការអំពាវនាវមួយសម្រាប់គណបក្សសាធារណរដ្ឋកាលពីឆ្នាំមុន នៅពេលដែលប្រធានាធិបតី ចូ បៃដិន ដែលបានប្រកាសលក់ប្រេងចំនួន 180 លានបារ៉ែលពីស្តុកប្រេងបម្រុងយុទ្ធសាស្ត្រ ដើម្បីកាត់បន្ថយតម្លៃប្រេងដែលបានកើនឡើងដោយសារតែសង្គ្រាមរបស់រុស្ស៊ីលើអ៊ុយក្រែន ។
គិតត្រឹមខែតុលាឆ្នាំមុន ក្រុមហ៊ុនប្រេងអាម៉េរិកបាននាំចេញប្រេងជិត 67 លានបារ៉ែលទៅកាន់ប្រទេសចិន ។
ប្រភព ៖ Reuters
Translate by Suon Visal
