ក្រុមហ៊ុនផលិតរថយន្តចិន Xpeng នៅថ្ងៃអង្គារនេះបានប្រកាសពីការកាត់បន្ថយតម្លៃសម្រាប់ម៉ូដែលមួយចំនួននៅក្នុងការជូនដំណឹងមួយនៅលើគណនី WeChat ផ្លូវការរបស់ខ្លួន បន្ទាប់ពីមានការបញ្ចុះតម្លៃស្រដៀងគ្នានេះដោយ Tesla និងជំរុញការរំពឹងទុកនៃសង្គ្រាមបញ្ចុះតម្លៃរថយន្តអគ្គិសនីកាន់តែទូលំទូលាយ ។ .
Xpeng បានទម្លាក់តម្លៃសម្រាប់រថយន្តអគ្គិសនី P7 ដែលលក់ដាច់បំផុតរបស់ខ្លួនមកត្រឹម 209,900 យន់ (31,015 ដុល្លារ) យោងតាមការជូនដំណឹងតម្លៃទាបជាងកម្រិតមុន12.5% ។
ក្រុមហ៊ុនផលិតរថយន្តដែលមានមូលដ្ឋាននៅខេត្តក្វាងទុងនេះក៏បានទម្លាក់តម្លៃសម្រាប់គ្រប់ស៊េរីនៃរថយន្ត P5 sedan និង G3i sport-utility ចន្លោះពី 10% ទៅ 13% នេះបើយោងតាមការគណនារបស់ Reuters ដោយផ្អែកលើតម្លៃ ។
ការប្រកួតប្រជែងកំពុងកើនឡើងនៅក្នុងវិស័យរថយន្តអគ្គិសនី (EV) នៅក្នុងប្រទេសចិនចំពេលមានការព្យាករណ៍សម្រាប់តម្រូវការធ្លាក់ចុះនៅក្នុងត្រីមាសទីមួយ ។ ក្រុមហ៊ុនផលិតរថយន្តអគ្គិសនី បើទោះបីជាពួកគេភាគច្រើននៅតែខាតបង់ក៏ដោយ ការធ្វើដូច្នេះគឺដោយសារស្ថិតនៅក្រោមសម្ពាធក្នុងការកាត់បន្ថយតម្លៃ ដើម្បីរក្សាបរិមាណលក់ ។
ប្រភព ៖ Reuters
Translate by Suon Visal
