លោក ស៊ី ជីនពីង ទទួលបានអាណត្តិទីបីដែលមិនធ្លាប់មានពីមុនមកជាប្រធានាធិបតីចិននៅថ្ងៃសុក្រ (១០ មីនា) ដោយបង្ហាញពីការកើនឡើងដែលបានឃើញគាត់ក្លាយជាមេដឹកនាំដ៏មានឥទ្ធិពលបំផុតរបស់ប្រទេសក្នុងជំនាន់ជាច្រើនកន្លងមក ។
សមាជិកសភាជិត ៣,០០០ នាក់នៃសភាប្រជាជនចិន (NPC) បានបោះឆ្នោតជាឯកច្ឆ័ន្ទនៅក្នុងវិមានប្រជាជនសម្រាប់ឲ្យលោក ស៊ី ជីនពីង ធ្វើជាប្រធានាធិបតីនៅក្នុងការបោះឆ្នោតមួយដែលមិនមានបេក្ខជនផ្សេងទៀតចូលមកប្រជែងឡើយ ។
លោក ស៊ី ជីនពីង ដែលមានអាយុ 69 ឆ្នាំក៏ទទួលបានការបោះឆ្នោតជាឯកច្ឆ័ន្ទសម្រាប់អាណត្តិទី 3 ជាប្រធានគណៈកម្មការយោធាកណ្តាលរបស់ប្រទេសចិនផងដែរ ។
បន្ទាប់ពីជាប់ឆ្នោតឡើងវិញ លោក ស៊ី បានលើកកណ្តាប់ដៃស្តាំរបស់លោក ហើយដាក់ដៃឆ្វេងលើសៀវភៅក្រហមនៃរដ្ឋធម្មនុញ្ញរបស់ប្រទេសចិន ។
លោកបានមានប្រសាសន៍ថា “ខ្ញុំស្បថថានឹងស្មោះត្រង់នឹងរដ្ឋធម្មនុញ្ញនៃសាធារណៈរដ្ឋប្រជាមានិតចិន រក្សាសិទ្ធិអំណាចនៃរដ្ឋធម្មនុញ្ញ អនុវត្តកាតព្វកិច្ចតាមច្បាប់របស់ខ្ញុំ ស្មោះត្រង់ចំពោះជាតិមាតុភូមិ ស្មោះត្រង់ចំពោះប្រជាជន បំពេញភារកិច្ចដោយស្មោះត្រង់ និងឧស្សាហ៍ព្យាយាម ”។
នៅក្នុងការធ្វើសច្ចាប្រណិធានដែលបានផ្សាយផ្ទាល់តាមកញ្ចក់ទូរទស្សន៍រដ្ឋទូទាំងប្រទេស គាត់បានប្តេជ្ញាថានឹង “កសាងប្រទេសដែលមានវិបុលភាព រឹងមាំ ប្រជាធិបតេយ្យ ស៊ីវិល័យ ការចុះសម្រុងគ្នា និងសង្គមនិយមទំនើបដ៏អស្ចារ្យ” ។
ប្រភព ៖ AFP
By Suon Visal
