ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយកាលពីថ្ងៃព្រហស្បតិ៍ថា ការដែលលោក បៃដិន ជេរលោកថា “អាឆ្កួត” នោះបានបង្ហាញយ៉ាងច្បាស់ពីមូលហេតុដែលអ្វីលោកចូលចិត្តចង់ឲ្យលោក បៃដិន ក្លាយជាប្រធានាធិបតីអាម៉េរិកជាថ្មីជាងលោក Donald Trump ។
លោកពូទីនបានប្រាប់ទូរទស្សន៍រដ្ឋដោយស្នាមញញឹមថា “យើងត្រៀមខ្លួនជាស្រេចដើម្បីធ្វើការជាមួយគ្រប់ប្រធានាធិបតីអាម៉េរិកទាំងអស់ ។ ប៉ុន្តែខ្ញុំជឿថាសម្រាប់យើង លោក បៃដិន គឺជាប្រធានាធិបតីអាម៉េរិកដែលល្អបំផុតសម្រាប់ប្រទេសរុស្ស៊ី ហើយការវិនិច្ឆ័យដែលខ្ញុំលើកឡើងពីមុនពិតជាត្រឹមត្រូវ ។ .
មុនការអធិប្បាយរបស់លោក ពូទីន វិមានក្រឹមឡាំងបាននិយាយថា លោក បៃដិន បានបង្ខូចកេរ្តិ៍ឈ្មោះសហរដ្ឋអាម៉េរិកដោយហៅលោកពូទីនថា “អាឆ្កួត” នៅឯកម្មវិធីរៃអង្គាសប្រាក់នៅសាន់ហ្វ្រាន់ស៊ីស្កូកាលពីថ្ងៃពុធ។
លោកបៃដិន កាលពីថ្ងៃពុធបានហៅលោក ពូទីន ថា “អាឆ្កួត” ក្នុងអំឡុងពេលនៃការរៃអង្គាសប្រាក់សម្រាប់យុទ្ធនាការបោះឆ្នោតរបស់គាត់នៅ San Francisco ខណៈដែលគាត់បាននិយាយអំពីការគំរាមកំហែងដល់ពិភពលោក រួមទាំងលោក ពូទីន និងអ្នកដទៃ។
Reuters