មន្ត្រីអ៊ុយក្រែនបាននិយាយថា មនុស្ស ៦ នាក់បានស្លាប់ និងយ៉ាងហោចណាស់ ១៤ នាក់ផ្សេងទៀតបានរងរបួសនៅក្នុងការវាយប្រហារដោយមីស៊ីលរបស់រុស្ស៊ីដែលបានវាយប្រហារមន្ទីរប្រៃសណីយ៍ក្នុងទីក្រុង Kharkiv ភាគឦសាននៃប្រទេសអ៊ុយក្រែន ។
លោក Oleh Synehubov អភិបាលនៃតំបន់ Kharkiv បាននិយាយថា អ្នករងរបួសជាច្រើននាក់ស្ថិតក្នុងស្ថានភាពធ្ងន់ធ្ងរនៅក្នុងមន្ទីរពេទ្យ ។ អ្នកស្លាប់ និងរបួសគឺជាបុគ្គលិកនៃមជ្ឈមណ្ឌលប្រៃសណីយ៍ ដោយសារពួកគេមិនមានពេលរត់ទៅកន្លែងសុវត្ថិភាពបានទានពេលទេ ព្រោះស៊ីរ៉ែនប្រកាសអាសន្នបន្លឺឡើងបានមួយវិនាទីការវាយប្រហារក៏បានកើតឡើង ។
នៅភាគសមរភូមិខាងកើតឯណោះវិញ អ៊ុយក្រែនបាននឹងកំពុងព្យាយាមបញ្ឈប់ការវាយរុញច្រានថ្មីមួយដោយកងកម្លាំងរុស្ស៊ីនៅទីក្រុង Avdiivka ចំពេលប្រតិបត្តិការវាយលុកដ៏យឺតរបស់ទីក្រុង គៀវដែលបានបន្តអស់រយៈពេលជាច្រើនខែ ។ វិទ្យាស្ថានសិក្សាអំពីសង្គ្រាម របស់សហរដ្ឋអាម៉េរិក បាននិយាយថា ទាហានរុស្ស៊ីបានរុលទៅមុខបន្តិចនៅជិតទីក្រុង Avdiivka ខណៈរុស្ស៊ីមិនទាន់ធ្វើការបញ្ជាក់ពីព័ត៌មាននេះនូវឡើយទេ ។
Reuters
