ប៉ូលីសថៃកំពុងស៊ើបអង្កេតករណីឆក់កាបូបនៅក្នុងទីក្រុងរមណីយដ្ឋានមាត់សមុទ្រដ៏ពេញនិយមនៃទីក្រុងប៉ាតាយ៉ា បន្ទាប់ពីអ្នកទេសចរឥណ្ឌាម្នាក់បានត្អូញត្អែរថា គាត់ត្រូវបានគេប្លន់កាបូបលុយដែលមានប្រាក់ជាង ១,៣០០ ដុល្លារ ។
គេហទំព័រសារព័ត៌មាន Thaiger បានរាយការណ៍ថា ប្រជាជនថៃមួយក្រុមបានចូលទៅជិតអ្នកទេសចរ បន្ទាប់ពីគាត់បានចាកចេញពីហាងមួយកាលពីចុងសប្តាហ៍មុន ។ បន្ទាប់មកក្រុមនេះបានរំខានគាត់ដោយសួរគាត់អំពីអ្វីដែលគាត់បានទិញ និងអំពីថ្ងៃឈប់សម្រាករបស់គាត់នៅក្នុងប្រទេសថៃ ។
គាត់បានសង្ស័យថា មានម្នាក់ក្នុងចំណោមពួកគេបានលួចយកកាបូបលុយរបស់គាត់ ។ គាត់មិនបានពន្យល់ពីមូលហេតុដែលគាត់យកលុយច្រើនបែបនេះមកជាមួយនៅពេលនោះទេ ។
ប៉ូលីសបាននិយាយថា វីដេអូ CCTV ពីហាង និងកាមេរ៉ាផ្សេងទៀតនៅក្បែរនោះ នឹងត្រូវបានពិនិត្យ ដើម្បីព្យាយាមកំណត់អត្តសញ្ញាណ និងចាប់ខ្លួនជនសង្ស័យ ។
ប្រទេសថៃបានស្វាគមន៍ភ្ញៀវទេសចរបរទេសចំនួន ១១ លាននាក់កាលពីឆ្នាំមុនដោយសារគោលនយោបាយបើកចំហរទិដ្ឋាការដែលធ្វើឱ្យឧស្សាហកម្មទេសចរណ៍របស់ខ្លួនស្ថិតក្នុងចំណោមការងើបឡើងវិញលឿនបំផុតនៅក្នុងតំបន់បន្ទាប់ពីជំងឺរាតត្បាតកូវីដ-១៩ ។ រដ្ឋាភិបាលថៃកំពុងកំណត់គោលដៅទទួលបានភ្ញៀវទេសចរប្រមាណ ៣០លាននាក់នៅឆ្នាំនេះ ។
ប្រភព ៖ VNExpress
By Suon Visal