ប្រមុខចារកម្មរបស់ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រាប់សហរដ្ឋអាម៉េរិកកាលពីថ្ងៃព្រហស្បតិ៍ថា ការគាំទ្ររបស់លោកខាងលិចសម្រាប់អ៊ុយក្រែននឹងប្រែក្លាយជម្លោះទៅជា “វៀតណាមទីពីរ” ដែលលងបន្លាចទីក្រុងវ៉ាស៊ីនតោនអស់រយៈពេលជាច្រើនឆ្នាំទៅមុខទៀត ។
លោកខាងលិចបានផ្តល់ជំនួយ និងសព្វាវុធដល់អ៊ុយក្រែនជាង ២៤៦ ពាន់លានដុល្លារ ប៉ុន្តែការវាយលុករបស់អ៊ុយក្រែនបានបរាជ័យ ហើយរុស្ស៊ីនៅតែគ្រប់គ្រងមួយភាគប្រាំនៃទឹកដីអ៊ុយក្រែន ។
លោក Sergei Naryshkin ប្រធានផ្នែកសេវាស៊ើបការណ៍សម្ងាត់បរទេសរបស់រុស្ស៊ី (SVR) បាននិយាយនៅក្នុងអត្ថបទមួយនៅក្នុងកាសែតរុស្ស៊ីThe Intelligence Operative ថា “អ៊ុយក្រែននឹងក្លាយទៅជាប្រហោងខ្មៅ” ដែលស្រូបយកធនធាន និងមនុស្សកាន់តែច្រើន។ “នៅទីបំផុត សហរដ្ឋអាម៉េរិកប្រថុយនឹងការបង្កើត ‘វៀតណាមទីពីរ’ ហើយរាល់រដ្ឋបាលអាម៉េរិកថ្មីនឹងត្រូវព្យាយាមដោះស្រាយជាមួយវា”។
ប្រធានាធិបតីអាមេរ៉េក លោក ចូ បៃដិន បានព្រមានថា ការប្រឈមមុខដាក់គ្នាដោយផ្ទាល់ពីណាតូ និងរុស្ស៊ីអាចបង្កឱ្យមានសង្គ្រាមលោកលើកទីបី ហើយបានបដិសេធម្តងហើយម្តងទៀតអំពីការបញ្ជូនទាហានអាមេរិកទៅកាន់អ៊ុយក្រែន។
Reuters