រដ្ឋមន្ត្រីការពារជាតិតៃវ៉ាន់ លោក Chiu Kuo-cheng បានព្រមាននៅថ្ងៃចន្ទថា កោះនេះត្រូវតែមានការប្រុងប្រយ័ត្នខ្ពស់ក្នុងឆ្នាំនេះ សម្រាប់ការចូលភ្លាមៗដោយយោធាចិនទៅក្នុងតំបន់ជិតស្និទ្ធនឹងទឹកដីរបស់ខ្លួន ចំពេលមានភាពតានតឹងផ្នែកយោធាកើនឡើងនៅទូទាំងច្រកសមុទ្រតៃវ៉ាន់ ។
ប្រទេសចិនបានបង្កើនសកម្មភាពយោធារបស់ខ្លួននៅជុំវិញកោះតៃវ៉ាន់ក្នុងរយៈពេលប៉ុន្មានឆ្នាំចុងក្រោយនេះ រួមទាំងការលុកលុយរបស់កងទ័ពអាកាសស្ទើរតែរាល់ថ្ងៃចូលទៅក្នុងតំបន់កំណត់អត្តសញ្ញាណការពារដែនអាកាសរបស់កោះនេះ ។
ទោះជាយ៉ាងណាក៏ដោយ តៃវ៉ាន់មិនបានរាយការណ៍ពីឧប្បត្តិហេតុណាមួយជាមួយកងកម្លាំងចិនដែលចូលក្នុងតំបន់ការពារដែនអាកាសរបស់ខ្លួន ដែលមានចម្ងាយ 24 ម៉ាយក្នុងសមុទ្រ (44.4 គីឡូម៉ែត្រ) ពីឆ្នេរសមុទ្ររបស់ខ្លួននោះទេ ។ ប៉ុន្តែកោះតៃវ៉ាន់បានបាញ់ទម្លាក់យន្តហោះគ្មានមនុស្សបើកស៊ីវិលដែលបានចូលដែនអាកាសរបស់ខ្លួននៅជិតកោះមួយនៅឆ្នេរសមុទ្រចិនកាលពីឆ្នាំមុន ។
ឆ្លើយសំណួររបស់សមាជិកសភាក្នុងសភា លោក Chiu បាននិយាយថា កងទ័ពរំដោះប្រជាជនចិន (PLA) អាចនឹងរកលេសដើម្បីចូលទៅកាន់តំបន់ជិតដែនអាកាស និងដែនសមុទ្ររបស់កោះតៃវ៉ាន់ នៅពេលដែលកោះនេះបង្កើនការធ្វើសមយុទ្ធយោធារបស់ខ្លួនជាមួយសហរដ្ឋអាម៉េរិក ដើម្បីជាការខឹងសម្បាររបស់ទីក្រុងប៉េកាំង ។
តៃវ៉ាន់បានប្ដេជ្ញាប្រើសិទ្ធិការពារខ្លួន និងការវាយប្រហារតបតវិញ ប្រសិនបើកងកម្លាំងប្រដាប់អាវុធចិនចូលក្នុងទឹកដីខ្លួន ។
ប្រភព ៖ Reuters
By Suon Visal