ក្រុមអ្នកស៊ើបអង្កេតរុស្ស៊ីបាននិយាយថា ការធ្វើតេស្ត DNA បានបញ្ជាក់ថាលោក Yevgeny Prigozhin ប្រធានក្រុមទាហានស៊ីឈ្នួល Wagner ស្ថិតក្នុងចំណោមមនុស្ស ១០ នាក់ដែលបានស្លាប់នៅក្នុងការធ្លាក់យន្តហោះកាលពីថ្ងៃពុធដើមសប្ដាហ៍នេះ ។
ទីភ្នាក់ងារអាកាសចរណ៍រុស្ស៊ីធ្លាប់បានផ្សព្វផ្សាយឈ្មោះមនុស្សទាំង ១០ នាក់នៅលើយន្តហោះឯកជនដែលធ្លាក់នៅតំបន់ Tver ភាគពាយព្យនៃទីក្រុងម៉ូស្គូរួចមកហើយដោយរួមបញ្ចូលទាំងលោក Prigozhin និង Dmitry Utkin ដែលជាដៃស្តាំរបស់គាត់ ។
គណៈកម្មាធិការស៊ើបអង្កេតរបស់រុស្ស៊ីបាននិយាយនៅក្នុងសេចក្តីថ្លែងការណ៍នៅលើគេហទំព័ររបស់ខ្លួននៅលើកម្មវិធីផ្ញើសារ Telegram ថា ជាផ្នែកមួយនៃការស៊ើបអង្កេតការធ្លាក់យន្តហោះនៅក្នុងតំបន់ Tver ការពិនិត្យម៉ូលេគុល-ហ្សែនត្រូវបានបញ្ចប់” ។ “យោងទៅតាមលទ្ធផលរបស់ពួកគេ អត្តសញ្ញាណអ្នកស្លាប់ទាំង ១០ នាក់ត្រូវគ្នាទៅនឹងបញ្ជីឈ្មោះអ្នកដែលមាននៅលើយន្តហោះ”។
Reuters