ក្រុមហ៊ុនអាកាសចរណ៍អារ៉ាប់រួប Emirates នឹងចាប់ផ្ដើមជើងហោះត្រង់មកកាន់ទីក្រុងភ្នំពេញប្រចាំថ្ងៃរបស់ខ្លួន ក្នុងគោលបំណងជំរុញការតភ្ជាប់រវាងទីក្រុងឌូបៃ និងអាស៊ីអាគ្នេយ៍។
ដោយចាប់ផ្ដើមពីថ្ងៃទី ១ ខែឧសភា ក្រុមហ៊ុនអាកាសចរណ៍ Emirates នឹងដំណើរការជើងហោះហើរប្រចាំថ្ងៃពីអាកាសយានដ្ឋានអន្តរជាតិឌូបៃ (DXB) ទៅកាន់ទីក្រុងភ្នំពេញ ដោយចុះចតម្ដងប្រទេសសិង្ហបុរី និងហោះបន្តមកទីក្រុងភ្នំពេញដោយប្រើប្រាស់យន្តហោះ Boeing 777-300ER ។
លោក Adnan Kazim អនុប្រធាន និងជាប្រធានផ្នែកពាណិជ្ជកម្មរបស់ Emirates បាននិយាយថា Emirates អរគុណអាជ្ញាធរកម្ពុជា និងសិង្ហបុរីសម្រាប់ការគាំទ្ររបស់ពួកគេក្នុងការបង្កើតផ្លូវហោះហើរថ្មីនេះ ។ “ការបន្តសេវាកម្មភ្នំពេញរបស់យើងបង្ហាញពីការប្តេជ្ញាចិត្តរបស់យើងក្នុងការពង្រឹងបណ្តាញហោះហើរក្នុងតំបន់អាស៊ីអាគ្នេយ៍របស់យើង ខណៈដែលយើងបន្តបង្កើតឱកាសកាន់តែច្រើនសម្រាប់អ្នកធ្វើដំណើរដើម្បីស្វែងរកគោលដៅសម្បូរបែប និងវប្បធម៌ និងជួយអាជីវកម្ម និងអ្នកនាំចេញគ្រប់ទំហំបង្កើតទំនាក់ទំនងពាណិជ្ជកម្មកាន់តែរឹងមាំ” ។
កាលវិភាគហោះហើរមកភ្នំពេញជាមួយសិង្ហបុរីត្រូវបានកំណត់ពេលវេលាយ៉ាងងាយស្រួល ដោយផ្តល់នូវឱកាសតភ្ជាប់ដ៏ល្អប្រសើរទៅ និងមកពីទីក្រុងជាច្រើនក្នុងប្រទេសបារាំង ចក្រភពអង់គ្លេស អាល្លឺម៉ង់ ស្វីស និងសហរដ្ឋអាម៉េរិក។
The Aviator
