ជំនួយថ្មីចំពោះអ៊ុយក្រែនបានធ្លាក់ចុះដល់កម្រិតទាបបំផុតមិនធ្លាប់មានចាប់តាំងពីប្រធានាធិបតីរុស្ស៊ីលោក វ្ល៉ាឌីមៀរ ពូទីន បានបញ្ជាឱ្យមានការលុកលុយ ដោយបង្ហាញពីការព្រួយបារម្ភអំពីការបង្វែរការគាំទ្ររបស់សម្ពន្ធមិត្តលោកខាងលិចចំពោះកិច្ចខិតខំប្រឹងប្រែងសង្រ្គាមរបស់ទីក្រុងគៀវ ។
ការគាំទ្រថ្មីៗបានធ្លាក់ចុះស្ទើរតែ ៩០% នៅចន្លោះខែសីហា និងខែតុលា ធៀបនឹងរយៈពេលដូចគ្នាកាលពីឆ្នាំមុនដែលស្មើនឹង ២,៣ ពាន់លានដុល្លារ នេះបើយោងតាមទិន្នន័យដែលតាមដានដោយវិទ្យាស្ថាន Kiel សម្រាប់សេដ្ឋកិច្ចពិភពលោកចេញផ្សាយកាលពីថ្ងៃព្រហស្បតិ៍ ។ ចំនួនទឹកប្រាក់នេះគឺទាបបំផុតចាប់តាំងពីខែមករាឆ្នាំ ២០២២ ។ អ៊ុយក្រែនពឹងផ្អែកកាន់តែខ្លាំងឡើងលើម្ចាស់ជំនួយមួយចំនួន រួមទាំងប្រទេសអាល្លឺម៉ង់ សហរដ្ឋអាម៉េរិក និងប្រទេសមួយចំនួនមកពីអឺរ៉ុបខាងជើង និងអឺរ៉ុបខាងកើត ។
របាយការណ៍នេះកើតឡើងបន្ទាប់ពីសមាជិកព្រឹទ្ធសភាមកពីគណបក្សសាធារណរដ្ឋបានរារាំងជំនួយចំនួន ៦៦ ពាន់លានដុល្លារសម្រាប់អ៊ុយក្រែន ខណៈការគាំទ្រពីសហភាពអឺរ៉ុបក៏ កាន់តែរង្គោះរង្គើផងដែរ ។
លោក Christoph Trebesch ប្រធានក្រុមទទួលបន្ទុកកម្មវិធីតាមដានការគាំទ្រអ៊ុយក្រែន និងជានាយកមជ្ឈមណ្ឌលស្រាវជ្រាវនៅវិទ្យាស្ថាន Kiel បាននិយាយនៅក្នុងសេចក្តីថ្លែងការណ៍តាមអ៊ីមែលថា “តួលេខរបស់យើងបញ្ជាក់ពីចំណាប់អារម្មណ៍នៃអាកប្បកិរិយារបស់ម្ចាស់ជំនួយដែលស្ទាក់ស្ទើរក្នុងប៉ុន្មានខែថ្មីៗនេះ” ។ «ដោយសារភាពមិនប្រាកដលើជំនួយបន្ថែមរបស់អាម៉េរិក អ៊ុយក្រែនគ្រាន់តែសង្ឃឹមសម្រាប់សហភាពអឺរ៉ុបដើម្បីអនុម័តកញ្ចប់ជំនួយដែលបានប្រកាសជាយូរ ៥០ ពាន់លានដុល្លាររបស់ខ្លួន។
ក្នុងចំណោមម្ចាស់ជំនួយចំនួន ៤២ ដែលត្រូវបានតាមដានដោយវិទ្យាស្ថាន Kiel មានតែម្ចាស់ជំនួយចំនួន ២០ ប៉ុណ្ណោះដែលបានអនុម័តកញ្ចប់ជំនួយថ្មីក្នុងអំឡុងខែសីហាដល់ខែតុលា ដែលជាចំណែកតូចបំផុតចាប់តាំងពីខែកុម្ភៈ ឆ្នាំ ២០២២ ។ សហភាពអឺរ៉ុបមិនទាន់ត្រូវបានអនុម័តនៅឡើយទេ ហើយជំនួយដោយសហរដ្ឋអាម៉េរិកក៏បានធ្លាក់ចុះផងដែរ ។
Bloomberg
