រដ្ឋមន្ត្រីគណៈរដ្ឋមន្ត្រីបារាំងបាននិយាយថា ការតិះដៀលដ៏គួរឱ្យសោកស្តាយទៅលើខ្សែប្រយុទ្ធបារាំង Kylian Mbappe ដោយអ្នកគាំទ្រអាហ្សង់ទីនមួយចំនួន ចំពេលមានការប្រារព្ធពិធីអបអរការឈ្នះពានរង្វាន់World Cup នៅទីក្រុង Buenos Aires គួរតែត្រូវបានស៊ើបអង្កេតដោយស្ថាប័នគ្រប់គ្រងបាល់ទាត់ពិភពលោករបស់ FIFA ។
អំឡុងពេលត្រឡប់មកផ្ទះរបស់អាហ្សង់ទីនដ៏រីករាយមួយក្រុមអ្នកគាំទ្របានដុតគម្របមឈូសដែលតុបតែងដោយឈើឆ្កាង និងរូបភាពរបស់ Mbappe ។ អ្នកចាំទី Emiliano Martinez ក៏បានពររូបទារកដោយដាក់មុខរបស់ Mbappe អំឡុងពេលក្បួនដង្ហែររថយន្តក្រុងបើកចំហរឆ្លងកាត់រដ្ឋធានី ។ រូបភាពទាំងពីរនេះបានល្បីពេញបណ្ដាញសង្គម ។
ទន្ទឹមនឹងនេះដែរ សហព័ន្ធបាល់ទាត់របស់ប្រទេសបារាំង និងអង្គការសប្បុរសធម៌ប្រឆាំងនឹងការរើសអើងជាតិសាសន៍នឹងដាក់ពាក្យបណ្តឹងផ្លូវច្បាប់ប្រឆាំងនឹងបុគ្គលដែលបានប្រមាថការរើសអើងជាតិសាសន៍លើ Mbappe និងមិត្តរួមក្រុមរបស់គាត់នៅលើប្រព័ន្ធផ្សព្វផ្សាយសង្គមបន្ទាប់ពីការបរាជ័យចុងក្រោយនៃការប្រកួតបាល់ទាត់ពិភពលោកដោយការពិន័យ ។
ដោយសួរពីប្រតិកម្មរបស់គាត់ចំពោះការប្រមាថពីសំណាក់ប្រទេសអាហ្សង់ទីននៅលើប្រព័ន្ធផ្សព្វផ្សាយសង្គម រដ្ឋមន្ត្រីក្រសួងហិរញ្ញវត្ថុបារាំងលោក Bruno Le Maire បានប្រាប់វិទ្យុ Sud ថាទិដ្ឋភាពទាំងនោះមិនថ្លៃថ្នូរ ហើយបានចោទសួរដោយបើកចំហថាតើ FIFA គួរពិនិត្យមើលព្រឹត្តិការណ៍នេះឬអត់ ។
លោក Le Maire បាននិយាយថា “តើ FIFA កំពុងធ្វើអ្វី? កីឡាគឺនិយាយអំពីការលេងដោយយុត្តិធម៌” ។ “វាបង្ហាញពីការគោរពចំពោះអ្នកដ៏ទៃ ។ វាបង្ហាញពីការគោរពចំពោះអ្នកដែលបាត់បង់”។
ស្ថានទូតអាហ្សង់ទីននៅប៉ារីសមិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។
ប្រភព ៖ Reuters
Translate by VISAL
