ជំពូក១៖ ស្វែងយល់ពីគុណវិបត្តិទូទៅនៅក្នុងផ្នត់គំនិតរបស់យើង និងវិធីដែលយើងអាចយកឈ្នះវាបាន

ជំពូក២៖ យើងទាំងអស់គ្នាចង់បានភាពយុត្តិធម៌ (fairness) ប៉ុន្តែយើងគិតថាវាដូចគ្នាទៅនឹងភាពដូចគ្នា (sameness)

ជំពូក៣៖ ការធ្វើឲ្យមានតុល្យភាពរវាងការងារ ចំណង់ចំណូលចិត្ត និងពេលវេលាសម្រាប់ជីវិតផ្ទាល់ខ្លួនឲ្យមានភាពស្មើគ្នា គឺមិនអាចធ្វើឲ្យមានសុខភាពល្អនោះទេ

ជំពូក៤៖ លទ្ធផលរបស់អ្នកគួរតែមានភាពឥតខ្ចោះ តែពេលកំពុងប្រតិបត្តិការមិនចាំបាច់មានភាពឥតខ្ចោះក៏បានដែរ

ជំពូក៥៖ ការបង្កើតថ្មីដ៏អស្ចារ្យគឺសំអាងលើគុណភាព មិនមែនបរិមាណនោះទេ

សេចក្តីសង្ខេបចុងក្រោយ

សារពីស្ថាប័ន ខ្មែរ អេឡិកត្រូនិក ប៊ុក

សៀវភៅអានជាសំឡេង និងសៀវភៅអេឡិកត្រូនិក

 

ផ្នត់គំនិតចង់បានពិភពលោកមួយដែលមានភាពយុត្តិធម៌ ត្រូវបានចាក់ស្រេះទៅក្នុងខួរក្បាលរបស់យើងគ្រប់គ្នា ។

នៅពេលដែលយើងឃើញនរណាម្នាក់កំពុងតែពិបាកចិត្ត  ខួរក្បាលរបស់យើងបានទាញយើងឲ្យចូលរួមរំលែកទុក្ខជាមួយពួកគេដែរ ។  ជាការពិតណាស់ ការសិក្សាមួយនៃបាតុភូតនេះបានបង្ហាញថា ប្រសិនបើអ្នកឃើញនរណាម្នាក់កំពុងត្រូវភ្លើងឆក់ ខួរក្បាលរបស់អ្នកនឹងមានប្រតិកម្មដូចអ្នកកំពុងត្រូវភ្លើងឆក់ដូចគ្នាផងដែរ ។

ទំនោរធម្មជាតិដែលឆ្ពោះទៅរកភាពយុត្តិធម៌នេះ គឺមិនមែនសុទ្ធតែជារឿងល្អនោះទេ ។

នៅក្នុងការស្វែងរកភាពយុត្តិធម៌ ពេលខ្លះយើងច្រឡំវាទៅនឹងភាពដូចគ្នា ។  យើងបង្កើតទំនាក់ទំនងចិត្តជាមួយអ្នកដទៃ ប៉ុន្តែ ពេលខ្លះយើងយកគំនិតរបស់យើងទៅគ្របលើគំនិតរបស់ពួកគេ ។  តើអ្នកធ្លាប់សម្គាល់ខ្លួនឯងថា អ្នកធ្លាប់ទិញកាដូរឲ្យនរណាម្នាក់ ហើយកាដូរនោះគឺជាអ្វីដែលអ្នកចង់បានខ្លួនឯង ដែរឬទេ?  នៅពេលយើងចង់បានអ្វីមួយ យើងច្រើនតែគិតថាអ្នកដទៃក៏ចង់បានវាដូចយើងដែរ ។

នៅក្នុងអាជីវកម្ម ការបញ្ចូលគ្នារវាងភាពយុត្តិធម៌និងភាពដូចគ្នានេះ  ច្រើនតែនាំឲ្យមនុស្សធ្វើខុសក្នុងការប្រព្រឹត្តចំពោះអតិថិជន ។  យើងគិតថាអតិថិជនរបស់យើងទាំងអស់  សុទ្ធតែចង់បាននូវអ្វីដែលយើងចង់បានដូចៗគ្នា ។  ចំណុចនេះអាចធ្វើឲ្យយើងបិទផ្លូវអតិថិជនមួយចំនួនដែលមានចំណង់ចំំណូលចិត្តខុសពីគេ ។

ដូច្នេះ តើអ្វីជាជម្រើសល្អជាងនេះ?  មែនទែនទៅ អ្នកត្រូវរំលឹកចំពោះខ្លួនឯងជានិច្ចថា “មនុស្សទាំងអស់គឺខុសគ្នា” ។  ព្យាយាមប្រព្រឹត្តទៅលើពួកគេជាលក្ខណៈបុគ្គល ។

សណ្ឋាគារ ហ្វរ ស៊ីសិន (Four Seasons) បានអនុវត្តតាមគោលការណ៍នេះបានយ៉ាងល្អ ។  ពួកគេបានបង្រៀនបុគ្គលិក  ដោយធ្វើយ៉ាងណាឲ្យភ្ញៀវរបស់ពួកគេមានអារម្មណ៍ថាដូចជាកំពុងស្នាក់នៅផ្ទះខ្លួនឯងអ៊ីចឹង ហើយផ្តល់ឲ្យភ្ញៀវទាំងនោះនូវគ្រប់សេវាកម្មដែលពួកគេចង់បាន ។  ផ្ទុយគ្នាស្រឡះពីសណ្ឋាគារ រិតហ្ស៍ ខាតធន់ (Ritz Carton)  បែរជាដាក់វិន័យទៅលើសេវាកម្មរបស់ខ្លួនយ៉ាងតឹងរឹងទៅវិញ ។  ឧទាហរណ៍៖ បុគ្គលិកទាំងអស់តម្រូវឲ្យឈរយ៉ាងតិចចម្ងាយដប់ហ្វីត (ប្រហែល៣ម៉ែត្រ)  ពីភ្ញៀវ  ហើយត្រូវសួរទៅភ្ញៀវថា “តើមានអ្វីដែលខ្ញុំអាចជួយបានទេទាន?

ក្នុងចំណោមសណ្ឋាគារទាំង ២ នេះ សណ្ឋាគារហ្វរ ស៊ីសិន (Four Seasons) ទទួលបានអត្រានៃការសរសើរពីអតិថិជនច្រើនជាង និងអាចចាប់យកចំណែកទីផ្សារបានកាន់តែធំ ។  វាអាចប្រហែលមកពីមនុស្សចូលចិត្តការប្រាស្រ័យទាក់ទងជាលក្ខណៈបុគ្គលច្រើនជាង ។

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Click outside to hide the compare bar
Compare
Wishlist 0
Open wishlist page Continue shopping
Alert: You are not allowed to copy content or view source !!