ជំពូក១៖ ការងារដែលធ្វើឲ្យអ្នកតានតឹង (ស្ត្រេស) អាចជាការងារ ដែលគ្រោះថ្នាក់៖ ទម្លាប់បារម្ភច្រើនពេក គឺធ្វើឲ្យប៉ះពាល់ដល់សុខភាព

ជំពូក២៖ នៅពេលដែលអ្នកបានសម្រេចចិត្តដោះស្រាយកង្វល់ ចូរធ្វើវាដោយមិនស្ទាក់ស្ទើរ

ជំពូក៣៖ រស់ក្នុងថ្ងៃនេះ៖ ទុក្ខកង្វល់ពីម្សិលមិញ និងថ្ងៃ ស្អែកនៅមួយឡែកសិន

ជំពូក៤៖ នៅពេលណាដែលអ្នកប្រឈមមុខនឹងបញ្ហា សូមចាប់យកករណីដែលលំបាកបំផុត ហើយបន្ទាប់ មកព្យាយាមដោះស្រាយវាពីទីនោះ

ជំពូក៥៖ កុំចំណាយថាមពលទៅក្នុងស្ថានភាពដែលអស់ សង្ឃឹម ឬការគុំគួនគ្នាច្រើនពេក៖ ចូរកំណត់ ព្រំដែនសម្រាប់ខ្លួនអ្នក បន្ទាប់ពីអ្នកអស់កង្វល់អំពីបញ្ហាទាំងនោះ

ជំពូក៦៖ ធ្វើជាមនុស្សរីករាយដោយផ្តោតលើចំណុចវិជ្ជមាននៅក្នុងជីវិត ហើយធ្វើខ្លួនឲ្យសប្បាយ

ជំពូក៧៖ នៅពេលជួយនរណាម្នាក់ ចូរកុំរំពឹងការដឹងគុណពីគេត្រូវជួយដោយចិត្តបរិសុទ្ធ

ជំពូក៨៖ កុំច្រណែននឹងអ្នកដទៃត្រូវពេញចិត្តនូវអ្វីដែលខ្លួនមាន

ជំពូក៩៖ មនុស្សតែងរិះគន់អ្នកដែលពួកគេច្រណែន ចូរគិតបែបនេះថា ការរិះគន់ប្រឆាំងនឹងអ្នក គឺជាការសរសើរក្នុងរូបភាពមួយផ្សេង

ជំពូក១០៖ រៀនសម្រាក មុនពេលអស់កម្លាំង

ជំពូក១១៖ រីករាយជាមួយនឹងការងាររបស់អ្នក និងគ្រប់គ្រងស្ត្រេសដោយការចេះរៀបចំ​

សេចក្តីសង្ខេបចុងក្រោយ

សារពីស្ថាប័ន ខ្មែរ អេឡិកត្រូនិក ប៊ុក

សេចក្តីសង្ខេបចុងក្រោយ

 

សារសំខាន់នៅក្នុងសៀវភៅនេះ៖

ការព្រួយបារម្ភច្រើនអាចធ្វើឲ្យប៉ះពាល់ដល់សុខភាពទាំងផ្លូវកាយ និងផ្លូវចិត្ត ដូច្នេះអ្នកគួរតែរកវិធីដើម្បីដោះស្រាយអ្វីដែលធ្វើអ្នកមានការ ព្រួយបារម្ភនោះ ។  វិធីសាស្ត្រដ៏សាមញ្ញបំផុត គឺត្រូវព្រមទទួលយកការពិតអំពីអ្វីដែលអ្នកកំពុងព្រួយបារម្ភជ្រើសរើសយកសកម្មភាពណាមួយដើម្បីដោះស្រាយវា ដោយមិនត្រូវមានការស្ទាក់ស្ទើរឡើយ ។  ដើម្បីចៀសវាងការអាក់អន់ស្រពន់ចិត្តអំពីទង្វើរបស់អ្នកដទៃ ចូរកុំមានរំពឹងការដឹងគុណចំពោះអំពើល្អរបស់អ្នកទៅលើពួកគេ កុំចងគំនុំ និងត្រូវយល់ថា មនុស្សផ្សេងទៀតរិះគន់អ្នក អាចដោយសារមកពីពួកគេច្រណែននឹងភាពជោគជ័យរបស់អ្នកក៏ថាបាន ។

ដំបូន្មានដែលអាចអនុវត្តបានភ្លាមៗ៖ 

បញ្ជាបញ្ឈប់ការខាតបង់ (a stop-loss order) លើការកើតទុក្ខកង្វល់របស់អ្នក ។

លើកក្រោយនៅពេលដែលអ្នកជួបនូវរឿងមិនល្អដូចជាការឈ្លោះគ្នាជាមួយមិត្តភក្តិ សូមប្រើយុទ្ធសាស្ត្របញ្ឈប់ការខាតបង់៖ ដកឃ្លាដើម្បីទុកពេលមួយរយៈខ្លី អាចថាប្រហែល ២ទៅ៣ម៉ោង ដើម្បីឲ្យស្ថានការណ៍បានធូរស្បើយ បន្ទាប់ពីនោះប្រសិនបើអ្នកនៅតែមិនអាចដោះស្រាយបានទៀត អ្នកគួរតែដើរចេញ ។ វាមិនមានតម្លៃសមនឹងឲ្យអ្នកចំណាយពេលយូរជាងហ្នឹងទៀតនោះទេ ។

ទទួលយក និងកែខៃស្ថានការណ៍ដែលអាក្រក់បំផុត៖

នៅពេលដែលអ្នកមានអារម្មណ៍ដឹងថា អ្នកមានការព្រួយបារម្ភពីអ្វីមួយ ជំនួសឲ្យការចៀសវាងគិតអំពីស្ថានការណ៍ដ៏អាក្រក់បំផុតនោះ ចូរកំណត់វាឲ្យច្បាស់ ។ គិតអំពីអ្វីដែលជាស្ថានការណ៍ដ៏អាក្រក់បំផុតពិតប្រាកដ    ប្រហែលជាវាមិនមែនជាមហន្តរាយធំនោះទេ ។ ទោះជា យ៉ាងណាត្រូវតែទទួលយកស្ថានការណ៍នោះ ហើយចាប់ផ្តើមរកវិធីដើម្បីដោះស្រាយវា ។

សម្រាកមុនពេលអ្នកអស់កម្លាំង៖

លើកក្រោយនៅពេលដែលអ្នកចាប់ផ្ដើមធ្វើការលើអ្វីមួយចូររក ពេលវេលាដ៏ល្អបំផុតមួយដើម្បីធ្វើការសម្រាក មុនពេលដែលរាងកាយអ្នកត្រូវអស់កម្លាំង ។ វាអាចបង្កើនផលិតភាពការងាររបស់អ្នកយ៉ាងខ្លាំង ហើយអាចកាត់បន្ថយការបារម្ភច្រើនរបស់អ្នកទៀតផង

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Click outside to hide the compare bar
Compare
Alert: You are not allowed to copy content or view source !!