រៀនពីមូលដ្ឋានគ្រឹះនៃការធ្វើទីផ្សារ ដើម្បីអាចផ្លាស់ប្តូរការយល់ឃើញរបស់អតិថិជន

ជំពូក១៖ ភាពជោគជ័យនៃទីផ្សារផលិតផលត្រូវបានកំណត់ដោយរបៀបដែលអ្នកអាចយកវាទៅដាក់លើទីផ្សារបានយ៉ាងរហ័ស

ជំពូក៣៖ ប្រសិនបើអ្នកមិនអាចក្លាយជាអ្នកនាំមុខទីផ្សារនោះទេ ចូរធ្វើឲ្យទីផ្សារក្រឡាប់ដាំដូង ហើយបង្កើតប្រភេទផលិតផលផ្ទាល់ខ្លួនរបស់អ្នក

ជំពូក៤៖ ជំរុញកេរ្តិ៍ឈ្មោះក្រុមហ៊ុនរបស់អ្នកដោយ “បង្កើត ពាក្យស្លោក” ប៉ុន្តែកុំលោភលន់ដោយព្យាយាមលួចពាក្យគេមកប្រើ

ជំពូក៥៖ នៅក្នុងទីផ្សារ តិចគឺច្រើន ប៉ុន្តែត្រូវមានល្បិចក្នុងការឈានទៅមុខក្នុងអំឡុងពេលពង្រីកផលិតផលដែលចៀសមិនរួច

ជំពូក៦៖ រឿងបីយ៉ាងធ្វើឲ្យកេរ្តិ៍ឈ្មោះក្រុមហ៊ុនធ្លាក់ចុះគឺ ភាពក្រអឺតក្រទម ការព្យាករណ៍ (ទស្សន៍ទាយ) ខុសអំពីអនាគតដោយគិតថាខ្លួនមិនដែលភ្លាំងភ្លាត់

ជំពូក៧៖ តើគូប្រជែងរបស់អ្នកបានចាប់ចំណុចខ្សោយរបស់អ្នកដោយអ្នកធ្វើខុស ឬដោយអ្នកដើរខុស? ទទួលស្គាល់វា ហើយអតិថិជនរបស់អ្នកនឹងផ្តល់រង្វាន់ដល់អ្នក

សេចក្តីសង្ខេបចុងក្រោយ

សារពីស្ថាប័ន ខ្មែរ អេឡិកត្រូនិក ប៊ុក

សៀវភៅអានជាសំឡេង និងសៀវភៅអេឡិកត្រូនិក

 

ដូច្នេះ មិនថាអ្នកផលិតកុំព្យូទ័រ ឬភេសជ្ជៈទេប្រសិនបើមានផលិត ផលម៉ាកមួយផ្សេងទៀតជាអ្នកនាំមុខទីផ្សារនៅក្នុងប្រភេទផលិតផលរបស់អ្នក វានឹងមានការលំបាកក្នុងការផ្លាស់ប្តូរការពិតនោះ។

ប៉ុន្តែ នេះមិនមែនមានន័យថាអ្នកគួរតែបិទហាងចោលនោះទេ ។  អ្នកគ្រាន់តែត្រូវការបង្កើតប្រភេទទីផ្សារថ្មីមួយទៀតសម្រាប់ផលិត ផលរបស់អ្នក ។

ច្បាប់នៃការបែងចែកប្រភេទបានចែងថា “នៅពេលអ្នកបង្កើតប្រភេទទីផ្សារថ្មីសម្រាប់ផលិតផលរបស់អ្នក អ្នកនឹងក្លាយជាមនុស្សដំបូងនៅក្នុងទីផ្សារថ្មីនោះ” ដូចដែលអ្នកបានដឹងហើយឥឡូវនេះ ការក្លាយជាអ្នកទីមួយដែលបញ្ចេញផលិតផលនៅក្នុងទីផ្សារផ្តល់ឲ្យអ្នកនូវការចាប់ផ្តើមក្លាយជាអ្នកនាំមុខគេ ។

លើសពីនេះទៅទៀត ការចាប់ផ្តើមបង្កើតប្រភេទទីផ្សារផ្ទាល់ខ្លួនរបស់អ្នកមានន័យថា អ្នកនឹងមិនមានការប្រកួតប្រជែងណាមួយទេ យ៉ាងហោចណាស់ក៏ក្នុងអំឡុងពេលមួយរយៈដែរ ។

ឧទាហរណ៍ក្នុងឆ្នាំ ១៩៧១ លោក ឆាល ស្កូប (Charles Schwab) បានបើកក្រុមហ៊ុនឈ្មួញជើងសារ (Brokerage) មួយនៅពេលដែលវិស័យនេះត្រូវបានគេរកស៊ីឈូឆររួចទៅហើយដោយមានក្រុមហ៊ុនផ្សេងៗដែលប្រហាក់ប្រហែលនឹងក្រុមហ៊ុនគាត់ ។ ទោះយ៉ាងណា ក៏ដោយដើម្បីប្រយុទ្ធប្រឆាំងនឹងបញ្ហានេះ ក្នុងឆ្នាំ ១៩៧៥ លោក ស្កូប បានបង្កើតទីផ្សារប្រភេទថ្មីមួយគឺ “ការបញ្ចុះតម្លៃឈ្មួញជើងសារ” ។

លទ្ធផលយ៉ាងម៉េចដែរ? លោក ស្កូប បានក្លាយជាអ្នកនាំមុខទីផ្សារដោយមានអតិថិជនកើនឡើងក្នុងរយៈពេលតែពីរបីឆ្នាំប៉ុណ្ណោះ ។

ប៉ុន្តែ មានជម្រើសមួយផ្សេងទៀតសម្រាប់ក្រុមហ៊ុនដែលដឹងខ្លួនថា ខ្លួនដើរពីក្រោយក្រុមហ៊ុននាំមុខទីផ្សារដោយស្ថិតក្នុងលំដាប់ទី ២ ដែលខ្លួនមិនចង់បាននោះ ។ ច្បាប់នៃការប្រឆាំងបានចែងថា “ដើម្បីទទួលបានជោគជ័យអ្នកត្រូវប្រៀបធៀបក្រុមហ៊ុនរបស់អ្នកជាមួយនឹងក្រុមដែលជាអ្នកនាំមុខទីផ្សារនោះ ដោយបង្វែរចំណុចខ្លាំងនៃគូប្រកួតប្រជែងរបស់អ្នកទៅជាចំណុចខ្សោយ” ។

ប្រសិនបើគូប្រកួតប្រជែងរបស់អ្នកស្ថិតនៅក្នុងការនាំមុខទីផ្សារជារៀងរហូត នោះអ្នកអាចចាត់ទុកក្រុមហ៊ុននោះថាជាក្រុមហ៊ុនចាស់ហួសសម័យ និងគ្មានភាពជឿនលឿន ។ ផ្ទុយទៅវិញក្រុមហ៊ុនរបស់អ្នកគឺនៅក្មេង ទំនើប និងដើរទាន់បដិវត្តបច្ចេកវិទ្យា ។

ក្រុមហ៊ុនប៉ិបស៊ី (Pepsi) បានប្រើយុទ្ធសាស្ត្រនេះក្នុងការប៉ុនប៉ងផ្តួលកូកាកូឡា (Coca-Cola) ពីដំណែងទីផ្សារចម្បងរបស់ខ្លួន ។  ក្រុមហ៊ុនផលិតភេសជ្ជៈមួយនេះ បានផ្តោតលើសាររបស់ខ្លួនដើម្បីអំពាវនាវដល់យុវវ័យ ដែលពួកគេមិនចង់ផឹកកូឡាដូចដែលតាយាយ និងតាទួត យាយទួតរបស់ពួកគេចូលចិត្តផឹក ។

តាមពិត វាជារឿងធម្មតាទេដែលអតិថិជនប្រភេទមួយចូលចិត្តទិញផលិតផលពីក្រុមហ៊ុនល្បីជាងគេនៅលើទីផ្សារ ដោយពួកគេគ្មានបានចំណាយអ្វីបន្តិចសោះឡើយទៅលើក្រុមហ៊ុនផ្សេងទៀត ។

ដូច្នេះប្រសិនបើអ្នកមិនមែនជាអ្នកនាំមុខទីផ្សារទេ “ចូរកុំតាំងខ្លួនធ្វើល្អជាង” ។ ជំនួសមកវិញ ចូរស្វែងរកក្រុមអតិថិជនមួយផ្សេងទៀតវិញ ។

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Click outside to hide the compare bar
Compare
Alert: You are not allowed to copy content or view source !!