News

ដំបូន្មានសង្គម VS ដំបូន្មាន Elon Musk 👉 ដំបូន្មានសង្គម៖ - ទៅសាលា - អានតែសៀវភៅមេរៀនបានហើយ - ស្វែងរកការងារធ្វើ - ធ្វើការ ៤០ម៉ោង ក្នុងមួយសប្តាហ៍ពេញមួយជីវិត - រៀបអាពាហ៍ពិពាហ៍ - ទទួលយកបំណុល - ប្រឹងធ្វើការដើម្បីដោះបំណុល - បង្កើតកូន - ចូលនិវត្តន៍ - ទទួលមរណៈភាព 👉 ដំបូន្មាន Elon Musk - ទៅសាលាបើអ្នកចង់ទៅ - កុំភ្លេចអានសៀវភៅអភិវឌ្ឍសមត្ថភាពផ្ទាល់ខ្លួន - ចាប់ផ្តើមអាជីវកម្ម - ប្រឹងប្រែងយ៉ាងខ្លាំងក្លាធ្វើការ ៨០ម៉ោង ក្នុងមួយសប្តាហ៍ រយៈពេលបីបួនឆ្នាំ - ជួលបុគ្គលិកឲ្យធ្វើការ - ធ្វើដំណើរជំុវិញពិភពលោក - ណាត់ជួបជាមួយថៅកែ រៀបការជាមួយថៅកែ - មានកូនៗ ជាកូនថៅកែ -   ចូលនិវត្តន៍នៅអាយុ ៣៥ឆ្នាំ -   រស់នៅដោយប្រើជីវិតដែលអ្នកចង់បាន  បកប្រែដោយក្រុមការងារ eBook Cambodia

Continue Reading →

ការពិត? ឬគ្រាន់តែជាការព្យាករណ៍? (វគ្គ ១) រឿងពិតគឺនៅទីនេះ ១០០% វីរុស Corona បានរីករាលដាលពី Wuhan ទៅជុំវិញពិភពលោក ប៉ុន្តែវាមិនបានទៅដល់ទីក្រុងប៉េកាំង និងសៀងហៃទេ ។ តើមានអ្នកណាអាចបំភ្លឺបានទេ? មើលទៅឡូហ្សិកណាស់ បន្ទាប់ពីផ្សារភាគហ៊ុនចិនទាំងអស់មិនបានជាប់គាំង ប៉ុន្តែទីផ្សារភាគហ៊ុនអាមេរិក និងអ៊ឺរ៉ុបគឺមានបញ្ហា ។ បំផ្លាញទីផ្សារអ្នកផ្សេង ហើយត្រៀមខ្លួនចាប់យកវាតាមគ្រប់មធ្យោបាយ ។ តើធ្វើដូចម្តេចដើម្បីអាចគ្រប់គ្រងពិភពលោកបានយ៉ាងឆាប់រហ័ស? វិធីសាស្ត្រដ៏អស្ចារ្យរបស់ចិន៖ ១. បង្កើតមេរោគ និងថ្នាំកម្ចាត់មេរោគ ។ ២. ធ្វើឲ្យវីរុសរីករាលដាល ។ ៣.ការបង្ហាញពីប្រសិទ្ធភាពនៃការកសាងមន្ទីរពេទ្យក្នុងរយៈពេលតែប៉ុន្មានថ្ងៃ ។ បន្ទាប់មក អ្នកបានរៀបចំរួចជាស្រេចជាមួយនឹងគម្រោងការបញ្ជាទិញគ្រឿងបរិក្ខា ជួលកម្លាំងពលកម្ម ប្រព័ន្ធទឹក និងលូ ទឹកស្អុយ សំម្ភារៈសាងសង់ដែលបានរៀបចំរួចរាល់ ហើយបានស្តុកទុករបស់ទាំងនោះក្នុងបរិមាណគួរឲ្យចាប់អារម្មណ៍ ។ ៤- បង្កភាពវឹកវរនៅក្នុងពិភពលោកដោយចាប់ផ្តើមពីអឺរ៉ុប ។ ៥- បំបិទសេដ្ឋកិច្ចរបស់ប្រទេសជាច្រើនក្នុងពេលដ៏ខ្លី ។ ៦. បញ្ឈប់ខ្សែសង្វាក់ផលិតកម្មនៅតាមបណ្តារោងចក្រនានាក្នុងប្រទេសដទៃទៀត ។ ៧. ធ្វើឲ្យទីផ្សារភាគហ៊ុនធ្លាក់ចុះ និងធ្វើការទិញក្រុមហ៊ុនក្នុងតម្លៃតថ្លៃ ។ ៨. គ្រប់គ្រងការរីករាលដាលយ៉ាងឆាប់រហ័សនៅក្នុងប្រទេសរបស់អ្នក ។ បន្ទាប់មក អ្នកត្រូវបានរៀបចំរួចរាល់ហើយ ។ ៩. បន្ទាបតម្លៃទំនិញជាច្រើន រួមទាំងតម្លៃប្រេងដែលអ្នកទិញក្នុងទ្រង់ទ្រាយធំ ។ ១០. ត្រលប់ទៅធ្វើការផលិតវិញយ៉ាងឆាប់រហ័ស ខណៈពេលដែលពិភពលោកកំពុងស្ថិតក្នុងស្ថានភាពជាប់គាំង ។ ទិញអ្វីដែលអ្នកចរចាបានតម្លៃទាបក្នុងពេលកំពុងមានវិបត្តិ ហើយលក់ក្នុងតម្លៃថ្លៃនូវអ្វីដែលខ្វះខាតនៅតាមបណ្តាប្រទេសដែលធ្វើឲ្យឧស្សាហកម្មរបស់ពួកគេជាប់គាំង ។ PS: Pl បានអានសៀវភៅអាណានិគមចិនដោយ Qiao Liang និង Wang Xiangsui ចាប់ពីឆ្នាំ ១៩៩៩ នៅលើ Amazon “ ដែលមានចំណងជើងថា សង្គ្រាមគ្មានព្រំដែន៖ ផែនការធំរបស់ចិនគឺដើម្បីបំផ្លាញសហរដ្ឋអាមេរិក” ។ វានៅក្នុងសៀវភៅនោះទាំងអស់ ។ សមតម្លៃនឹងការសញ្ជឹងគិត .. សាកគ្រាន់តែគិតអំពីរឿងនេះ ... តើប្រទេសរូស្សី និងកូរ៉េខាងជើងអាចរួចខ្លួនពីមេរោគ Covid-19 នេះបានយ៉ាងដូចម្ដេច?...

Continue Reading →

យុវជនខ្មែរប្រហែលជា ១ម៉ឺននាក់ហើយ ដែលទទួលបានសៀវភៅថ្មីៗ និងសៀវភៅល្បីៗ ដែលបកប្រែដោយក្រុមការងារ eBook ។ កត្តាតម្លៃ ធ្វើឲ្យពួកគាត់ហ៊ានចំណាយប្រាក់បន្តិចបន្តួចរបស់គាត់ ស្វែងរកចំណេះ ។ ការអានសៀវភៅមិនអាចធ្វើឲ្យគាត់ក្លាយជាអ្នកចេះដឹងក្នុងរយៈពេលខ្លីបាននោះទេ ប៉ុន្តែវានឹងហុចផ្លែផ្កាដល់ពួកគាត់ នៅពេលដែលព្យាយាមយកអ្វីដែលគាត់ចេះដឹងពីក្នុងសៀវភៅ មកអនុវត្ត ។  កុំស្វែងរកចំណេះត្រឹមពេលមួយខែពីរខែ ប៉ុន្តែអ្នកត្រូវអានដូចជាការហូបបាយជារៀងរាល់ថ្ងៃ ចំណេះនឹងដុះចូលជ្រៅទៅក្នុងខួរក្បាលរបស់អ្នក វានឹងធ្វើឲ្យអ្នកកាន់តែឆ្លាតជាងមុន ក្លាហានជាងមុន និងពូកែរកដំណោះស្រាយជាងមុន ។ បើអ្នកឆ្លាតជាងមុន កុំបារម្ភខ្លាចគ្មានការងារធ្វើ កុំភ័យខ្លាចក្រ ។ សេចក្តីក្រីក្រតែងតែកើតឡើងលើបុគ្គលដែលខ្វះគំនិត ខ្វះចំណេះដឹង បើគេចេះដឹងជ្រៅជ្រះ គេមិនខ្វះវិធីសម្រាប់រកស៊ីចញ្ចិមជីវិតឡើយ ។ ប្រទេសមួយដែលសម្បូរប្រជាជនជាអ្នកចេះដឹង គេតែងតែដើរទៅមុនប្រទេសដែលមានតែប្រជាជនប្រើកម្លាំង ព្រោះកម្លាំងពលកម្ម ច្រើនតែកើតឡើងទៅលើប្រទេសក្រីក្រ ។ នៅប្រទេសអ្នកមាន គ្មានរោងចក្រកាត់ដែរ គ្មានកម្មករកសិកម្មនោះឡើយ ព្រោះការងារដែលម៉ាស៊ីនអាចធ្វើបាន គេប្រើម៉ាស៊ីនហើយ គេមិនប្រើកម្លាំងពលកម្មមនុស្សឡើយ ។ ឥលូវយើងក្រឡេកមកមើលប្រទេសកម្ពុជាវិញ ចំនួនប្រជាជនដែលទទួលបានការអប់រំមានច្រើនលើសលុប  តាមជនបទ យុវជន ១០នាក់ មាន៩នាក់ធ្វើចំណាកស្រុកចេញទៅធ្វើកម្មករគេអស់ហើយ ក្នុងប្រទេសខ្លួនដែលជាប្រទេសកសិកម្ម បែរជាទុកដីចោលឲ្យនៅទំនេរ គ្មានទឹក គ្មានប្រព័ន្ធធារាសាស្ត្រ និងគ្មានវិធីធ្វើកសិកម្មត្រឹមត្រូវនោះឡើយ ។ បើអ្នកធ្វើដំណើរខែប្រាំងជុំវិញស្រុកខ្មែរ  អ្វីដែលអ្នកសម្លឹងឃើញ គឺវាលស្រែភ្លើងឆេះ ដីបែកក្រហែង និងក្តៅហែងគ្មានទីជម្រកសោះឡើយ ។ ប្រទេសដែលមានដីដែលមានជីជាតិ ប្រែទៅជាដីក្តៅ ស្ងួតហួតហែង ដ្បិតថ្នាក់ដឹកនាំ មិនមានពេលដើម្បីមើលថែប្រជាជននោះឡើយ ។ ដូច្នេះហើយ យុវជនខ្មែរ ក្រៅពីការងារ និងការសិក្សាប្រចាំថ្ងៃ ត្រូវឆ្លៀតពេលអានសៀវភៅបន្ថែម ដើម្បីអភិវឌ្ឍខួរក្បាលរបស់ខ្លួនឲ្យកាន់តែខ្លាំងក្លា និងរៀនសូត្រ ពង្រឹងចំណេះជំនាញឲ្យកាន់តែច្បាស់លាស់ ។ កុំវង្វេងនឹងការសប្បាយគ្មានគោលដៅច្បាស់លាស់ ។ ពីក្រុមការងារ eBook Cambodia

Continue Reading →

យុវជនខ្មែរភាគច្រើន បានរស់នៅក្នុងការគិតដ៏ច្របូកច្របល់ គ្មានលំនឹងពិតប្រាកដ ។ ពួកគេច្រើនតែយល់ឃើញ ឬធ្វើតាមទំនោររបស់សង្គម គឺសង្គមស្រុកខ្មែរតែម្តង ។ ឧទាហរណ៍៖ គេតែងតែយល់ថា ដើម្បីបង្កើតទំនាក់ទំនងល្អ នៅកន្លែងធ្វើការ កន្លែងរកស៊ី ឬបង្កើតមិត្តភាពល្អ គឺត្រូវតែឧស្សហ៍ជួបជុំគ្នាផឹក ។ ការផឹកស៊ីជាប្រពៃណីដើម្បីភ្ជាប់ទំនាក់ទំនងយ៉ាងពេញទំហឹងនៅស្រុកខ្មែរ ។​ ផ្ទុយទៅវិញ បើយើងសង្កេតមើលអតីតអច្ឆរិយប្រទេសមួយនេះ គឺយើងមិនដែលឃើញគេជូនវត្ថុអនុស្សាវរីយ៍ជាសៀវភៅ សោះឡើយ ។​ បើយើងគិតថយក្រោយ ទៅកាលពីជាង ១០០០ឆ្នាំមុន បើដូនតាខ្មែរ រវល់តែជុំគ្នាផឹក និងមិនដែលកាន់តែសៀវភៅបែបនេះ ប្រហែលជា គ្មានឡើយប្រាង្គប្រាសាទដ៏អស្ចារ្យ ចម្លាក់វប្បធម៌ និងប្រពៃណីខ្មែរមានរូបរាងដ៏រស់រវើកគ្មានពីរបែបនេះទេ ។ ចុះតើសៀវភៅអ្វីដែលអាចបំផុសស្មារតី បង្កើតទម្លាប់ខ្លាំងក្លា ផ្លាស់ប្តូរការគិតអវិជ្ជមាន បំផុសសក្តានុពលក្នុងខ្លួន និងបង្កើតធនធានមនុស្សថ្មីសម្រាប់កម្ពុជា? ថ្ងៃនេះ eBook សូមណែនាំសៀវភៅប្រាំក្បាល ដែលនឹងធ្វើឲ្យជីវិតអ្នកផ្លាស់ប្តូរ ប្រសិនបើអ្នកអនុវត្តបានយ៉ាង ខ្ជាប់ខ្ជួន ។ សៀវភៅទី១៖ “ឥទ្ធិពលនៃការគិតវិជ្ជមាន” សៀវភៅ “ឥទ្ធិពលនៃការគិតវិជ្ជមាន” គឺជាតម្រាប្រចាំកាយ ដើម្បីត្រួសត្រាយនូវរាល់ឧបសគ្គនានា និងសម្រេចឲ្យបាននូវសេចក្តី​សុខសុភមង្គល ។ អ្នកត្រូវការសម្រាប់សម្រេចបានសេចក្តីសុខ និងយកឈ្នះរាល់ឧបសគ្គលំបាកនានា ។ ចរិតលក្ខណៈជះឥទ្ធិពលដល់ជំនឿ និងការរស់នៅប្រចាំថ្ងៃរបស់អ្នក ហើយសៀវភៅមួយក្បាលនេះនឹងជួយបំភ្លឺផ្លូវដើម្បីផ្លាស់ប្តូរវិថីជីវិត ។ ប្រសិនបើអ្នកផ្តោតលើការគិតវិជ្ជមាន អ្នក នឹងទទួលបានលទ្ធផលវិជ្ជមាន ។ សៀវភៅទី២៖ “អាម្មរណ៍ឆ្លាតវៃ” សៀវភៅ ភាពឆ្លាតវៃខាងអារម្មណ៍ (Emotional Intelligence) ជាសៀវភៅដែលល្បីល្បាញបំផុតក្នុងពិភពលោក ដែលបានលក់ដាច់ជាង ៥លានក្បាល ។វាបានបង្ហាញពីធម្មជាតិនៃបញ្ញាផ្លូវអារម្មណ៍ ហើយនិងឥទ្ធិពលដែលមានមក លើជីវិតប្រចាំថ្ងៃរបស់យើង ។ វាក៏បានគូសបង្ហាញពីវិធីធ្វើឲ្យភាពឆ្លាតវៃខាងអារម្មណ៍កាន់តែមានភាពចាស់ទុំ និងវិធីដើម្បីធ្វើឲ្យវាកាន់តែប្រសើរឡើង ។ សៀវភៅនេះក៏បានបង្ហាញពីទំនាក់ទំនង រវាងភាពជោគជ័យ សមត្ថភាពនៃ ចំណេះដឹង និងទស្សនវិស័យវិជ្ជមានដើម្បីបង្កើនគុណភាពជីវិត ។ សៀវភៅទី៣៖  “ទម្លាប់ទាំង ៧ របស់មនុស្សជោគជ័យ” សៀវភៅ “ទម្លាប់ទាំង ៧ របស់មនុស្សជោគជ័យ” ឆ្នាំ ១៩៨០ គឺជា សៀវភៅក្បួនច្បាប់ដ៏មានឥទ្ធិពលបំផុតដើម្បីអភិវឌ្ឍន៍ទម្លាប់ឆ្ពោះ ទៅរកភាពជោគជ័យ...

Continue Reading →

ចេញផ្សាយម៉ោង ៩៖១០នាទីយប់ មុននឹងឆ្លើយសំណួរខាងលើ ដែលជាប្រធានបទរបស់យើង eBook ថ្ងៃនេះសូមលើកយករឿងពិតដែលជាភាពកម្សោយរបស់យុវជនខ្មែរមួយចំនួនធំដែលតែងតែបន្ទោសទៅលើស្ថានការណ៍ បរិយាកាសជុំវិញ និងព្រហ្មលិខិត ។ ទម្លាប់មនុស្សបរាជ័យ ចូលចិត្តស្រែកថ្ងូរ ស្រែកប្រាប់គេឯងថាខ្លួនលំបាកនេះ លំបាកនោះ គ្មានចិត្តអំណត់អត់ធ្មត់អ្វីបន្តិចសោះ ។ តាមពិតទៅ ទម្លាប់ប្រាប់គេប្រាប់ឯងពីបញ្ហានេះ បញ្ហានោះ មិនគួរមានការលើកទឹកចិត្ត ឬត្រូវតែនិយាយយ៉ាងមានមោទកភាពនោះទេ ។ ផ្ទុយទៅវិញ វាគួរតែជារឿងអាម៉ាស់ទៅវិញទេ ហេតុអ្វីបានជារឿងអាម៉ាស់? មនុស្សដែលមានចរិតរឹងមាំ អត់ធន់នឹងបញ្ហា ច្រើនតែជាមនុស្សដែលទទួលបានភាពជោគជ័យពិតប្រាកដ ហើយគេមិនមែនជាមនុស្សដែលលោតឡើង លោតចុះតាមបញ្ហា ឬឱកាសនោះទេ ។ បញ្ហាដែលកើតឡើង មិនអាចរារាំង មនុស្សដែលមានផែនការវែងឆ្ងាយ និងមហិច្ឆតាបាននោះទេ ព្រោះបញ្ហាដែលកើតឡើងថ្ងៃនេះ ពិតណាស់ថាវាប៉ះពាល់ខ្លះដល់គោលដៅរបស់គេ ប៉ុន្តែបើគេពិតជាមានគោលដៅរឹងដូចដែកថែប ទោះឧបសគ្គប៉ុណ្ណា ក៏មិនអាចរារាំងគេបានដែរ ។ ហេតុអ្វីបានជា eBook ឲ្យតម្លៃមនុស្សបែបនេះ? ចរិតធម្មជាតិរបស់អ្នកខ្លាំង គឺមានសេចក្តីក្លាហាន មោះមុត ស្វាហាប់ មិនងាករេ មិនផ្លាស់ប្តូរតាមនឹកឃើញនោះឡើយ ហើយបុគ្គលបែបនេះ សង្គមខ្មែរយើងពិតជាត្រូវការច្រើនទៀតណាស់ដើម្បីកសាងគ្រឹះសង្គមមួយឲ្យមានភាពរឹងមាំ ។ យុវជនខ្មែរ ត្រូវបង្កើតចរិតដែកថែប បង្កើតឥរិយាបថវិជ្ជមានក្នុងខ្លួន ជាពិសេសពេលប្រទេសជាតិ ឬពិភពលោកជួបបញ្ហាធំៗបែបនេះ ។ យុវជនខ្មែរត្រូវចាំថា គ្រប់មនុស្សជោគជ័យអស្ចារ្យក្នុងលោក សុទ្ធតែជាមនុស្សដែលមិនចុះញ៉មនឹងបញ្ហា និងមិនស្រែកថ្ងូរពេលជាឧបសគ្គ ។ ទន្ទឹមនឹងវិបត្តិដ៏ធ្ងន់ធ្ងរមួយនេះកំពុងតែកើតឡើង យុវជនខ្មែរគួរបង្កើតទម្លាប់ថ្មីៗឲ្យបានច្រើន៖ ទី១៖ កុំតក់ស្លុត កុំផ្តេកផ្តួលតាមស្ថានការណ៍៖ ហេតុអ្វី? មនុស្សធម្មតាច្រើនតែនិយាយថា នរណាៗក៏មានបញ្ហាដែរមិនមែនមានតែខ្ញុំនោះទេ ។ ជាពិសេសពេលជួបឧបសគ្គបែបនេះ ពួកគាត់នឹងសម្បូរលេស មិនខ្វះពាក្យដោះសារ ប៉ុន្តែសំណួរសួរថា ចុះមុនពេលជួបបញ្ហា កូវីត នេះ តើគាត់បានសម្រេចកិច្ចការអ្វីហើយឬនៅ? ទី២៖ នៅផ្ទះសរសេរផែនការជីវិត ឬរៀបចំគម្រោងអនាគតពេញមួយជីវិត ។ តើមានមនុស្សប៉ុន្មាននាក់ ដែលមានភាពប្រាកដនិយមជាមួយនឹងផែនការជីវិតរបស់ខ្លួន? តើមានមនុស្សប៉ុន្មាននាក់ ដែលចាំតែដេកដោះស្រាយបញ្ហាប្រចាំថ្ងៃ ឬកំពុងរង់ចាំឱកាសនេះ ឱកាសនោះ? បើអ្នកជួបយុវជនខ្មែរ ១០នាក់ ៩នាក់នឹងនិយាយថា ចាំគេមានលុយសិន ចាំគេទទួលបានការងារល្អធ្វើសិន ឬចាំនេះ ចាំនោះ ។ eBook...

Continue Reading →

ច្បាប់ធម្មជាតិ មិនខ្វល់ថាអ្នកឆ្លាតប៉ុនណា មានបញ្ញាប៉ុនណា ថ្ងៃមួយតម្រិះនឹងជិះកឯង ។ ទោះបីអ្នកអាចឡើងដល់ឋានព្រះចន្ទ ភពព្រះអង្គារ មុជចូលបាតសមុត្រដ៏សែនជ្រៅ ធម្មជាតិដែលមិនដែលឆ្លើយតបអ្វីទាំងអស់ទៅលើទង្វើរបស់អ្នក ថ្ងៃណាមួយវានឹងកើតឡើងដោយឯកឯង ។ អ្នកមិនអាចហាមរលកសមុទ្រមិនឲ្យបោកបក់ អ្នកមិនអាចទៅឃាត់ផ្លេកបន្ទោរ មិនអាចបិទត្រចៀកមិនឲ្យឮផ្គរលាន់ និង មិនអាចគេចផុតពីសេចក្តីស្លាប់នោះទេ ។ វដ្តនៃធម្មជាតិ ដែលប្រមូលផ្តុំដោយការកើតចាស់ ឈឺស្លាប់ សេចក្តីសុខឯណានេះមួយ គង់នឹងវិនាសខ្ចាត់ខ្ចាយជាមិនខាន បើវាដល់ពេលវេលាហើយនោះ ។ រស់ជាមនុស្ស បើមិនបានសាងអំពើល្អ មិនគួរណាបំផ្លាញធម្មជាតិ ដែលជាធាតុគាំទ្រដល់ការរស់នៅរបស់មនុស្ស ប៉ុន្តែបើមិនមែនមនុស្សជាអ្នកបំផ្លាញ ក៏មិនអាចហៅថាមនុស្សបានដែរ ព្រោះមនុស្សនេះ អំពើល្អក៏ចេះសាង អំពើបាបក៏ចេះប្រព្រឹត្ត ។ ថ្ងៃរះឯនាយសមុទ្រដ៏ក្រហមឆ្អិនឆ្អៅ ក្នុងវេលាដ៏ស្ងប់ស្ងាត់ ខ្យល់សមុទ្រ រលកបោកច្រាំង ឱផ្ទាំងទស្សនីយភាពដ៏កម្រអើយ អ្នកពិតជាស្រស់ស្អាតខ្លាំងណាស់ ប៉ុន្តែធម្មជាតិ មិនដែលមានមោទនភាព ចំពោះភាពស្រស់ស្អាតរបស់ខ្លួនឡើយ ផ្ទុយទៅវិញ​មនុស្សទេដែលទាញយកប្រយោជន៍ពីវា ។ ប៉ុន្តែមនុស្សផ្តល់អ្វីខ្លះដល់ធម្មជាតិ ក្រៅពីកាប់បំផ្លាញ បំពុល និងគំទេចតាមគ្រប់រូបភាព តែធម្មជាតិនៅតែបណ្តោយឲ្យអ្នកធ្វើ ទ្រាំឈឺចាប់នូវរាល់ទង្វើទាំងអស់របស់អ្នក ថ្ងៃមួយបើសិនជាកើតមានវិបត្តិណាមួយឡើង ចូរកុំស្តីបន្ទោសធម្មជាតិឲ្យសោះ ។ រង់ចាំអំពើល្អរបស់មនុស្សមកលើធម្មជាតិ ប្រៀបបានរង់ចាំការបន្សុទ្ធទឹកសមុទ្រឲ្យមានឱសជាតិរស់សាបធម្មតាវិញយ៉ាងដូច្នោះ ។ ពីក្រុមការងារ eBook Cambodia

Continue Reading →

តើមនុស្សបីនាក់ណាខ្លះដែលសាងភាពអស្ចារ្យអំឡុងពេលមានវិបត្តិសេដ្ឋកិច្ចឆ្នាំ ២០០៨? ចំណែកអ្នក តើអ្នកត្រូវបន្ទោសវិបត្តិសេដ្ឋកិច្ចឆ្នាំ ២០២០ នេះឬយ៉ាងណា? អំឡុងឆ្នាំ ១៩៨៦ ទីផ្សារភាគហ៊ុនបានដួលរលំ លោក Steve Jobs បានដឹងថាគាត់ខាតបង់លុយអស់យ៉ាងច្រើន ។ គាត់ត្រូវបានបណ្តេញចេញពីក្រុមហ៊ុន Apple ក្នុងឆ្នាំ ១៩៨៥  និងបានលក់ភាគហ៊ុនរបស់គាត់ទាំងអស់ ហើយចំណាយលុយមួយចំនួនធំទៅបង្កើតក្រុមហ៊ុន NeXT កុំព្យូទ័រ។ ជំនួសឲ្យការថ្នឹងថ្នាក់ចិត្តជាមួយក្រុមហ៊ុន Apple ឬប្រឹងតស៊ូលើ NeXTតែមួយមុខ លោក Steve បានសម្រេចចិត្តយកលុយសល់ទាំងអស់ទិញយកស្ទូឌីយ៉ូគំនូរជីវចល George Lucas ថែមមួយទៀតក្នុងតម្លៃ ១០ លានដុល្លារ។ គាត់បានប្តូរឈ្មោះស្ទូឌីយ៉ូនេះទៅជា “Pixar” ដែល ៣ឆ្នាំក្រោយមកបានចុះកុងត្រាទឹកប្រាក់ ២៦ លានដុល្លារជាមួយក្រុមហ៊ុន Disney និងចុងក្រោយបានលក់ឲ្យ Disney ក្នុងតម្លៃ ៧.៤ ពាន់លានដុល្លារក្នុងឆ្នាំ ២០០៦ ។ កំឡុងពេលដែលវិស័យអាជីវកម្មលើអ៊ីនថឺណេត Dot-com ដួលរលំក្នុងឆ្នាំ ២០០១ ក្រុមហ៊ុន Amazon របស់លោក Jeff Bezo ខាតបង់ចំណូលរបស់ខ្លួនរហូតដល់ ៩០ភាគរយ ។ ជំនួសឲ្យការបិទក្រុមហ៊ុនចោលដូចក្រុមហ៊ុន dotcom ដទៃទៀត លោក Jeff បានផ្តោតលើការបង្កើតប្រាក់ចំណូលពីលុយសល់ក្នុងក្រុមហ៊ុនជំនួសលុយពីដៃគូវិនិយោគវិញ ។ គាត់បានប្រើវិធីសាស្ត្រមួយគឺ៖ ចរន្តទូទាត់លុយរបស់ Amazon ( Amazon’s Cash Conversion Cycle) ។ ចរន្តទូទាត់លុយនេះ គឺជាការកំណត់ពេលវេលាដែលអ្នកលក់រាយត្រូវប្តូរពីសាច់ប្រាក់ទៅជាទំនិញ ហើយបានជាលុយវិញនៅពេលទំនិញលក់បាន ។ ពេលនោះដែរ ហាង Macy ទូទាត់លុយវិញបានក្នុងពេល ៧១ថ្ងៃ ហើយ Wal-Mart ទូទាត់លុយវិញបានក្នុងពេល ១២ថ្ងៃ ។ នៅកំឡុងពេលវិបត្តិនេះ លោក Jeff បានព្យាយាមធ្វើឲ្យចរន្តនេះបង្កក់លុយទុកក្នុងរយៈពេល ២៤ថ្ងៃ ដោយការយកលុយពីអ្នកទិញដោយផ្ទាល់ និងបង់ថ្លៃទំនិញនៅ ២៨ថ្ងៃក្រោយបន្ទាប់ពីទំនិញនោះត្រូវបានលក់ និងផ្ញើចេញ ។...

Continue Reading →

កម្មកររោងចក្ររាប់ម៉ឺននាក់បានព្យួរការងារ កម្មករចំណាកស្រុករាប់សែននាក់បានបង្ខំចិត្តធ្វើមាតុភូមិនិវត្តវិញ បុគ្គលិកក្រុមហ៊ុន សណ្ឋាគារ និងក្នុងវិស័យទេសចរណ៍រាប់ពាន់នាក់ បាន បាត់បង់ការងារ នេះជាពេលវេលាមួយដ៏លំបាកបំផុតសម្រាប់រដ្ឋាភិបាល ដែលមិនធ្លាប់បានព្រៀងទុកចំពោះឧបសគ្គធំៗ បែបនេះកន្លងមក ។ ប្រសិនបើនៅតែបន្តបែបនេះក្នុងរយៈពេល ៦ខែខាងមុខ សាកល្បងព្យាករណ៍មើល (ទាយ) ថា “នឹងមានអ្វីកើតឡើង”? ប្រជាជនរាប់លាននាក់គ្មានចំណូល គ្មានប្រាក់សម្រាប់ឧបត្ថម្ភ ទោះចង់ឧបត្ថម្ភក៏ទប់មិនជាប់ ព្រោះប្រាក់ក្នុងឃ្លាំងជាតិមានសម្រាប់តែបំពេញសេចក្តីត្រូវការឲ្យមន្ត្រីរាជការ កងកម្លាំងការពារ និងមន្រ្តីចូលនិវត្តន៍តែប៉ុណ្ណោះ ។ ប្រជាជនចង់ចំណាកស្រុកត្រឡប់ទៅថៃវិញ        ក៏ពិបាកមិនងាយស្រួលដូចមុន រង់ចាំរោងចក្របើកទ្វារឡើងវិញក៏ស្ថិតក្នុងពេលវេលាមិនជាក់លាក់ សង្ឃឹមលើភ្ញៀវទេសចរណ៍អន្តរជាតិធ្វើដំណើរកម្សាន្តធម្មតាឡើងវិញ ត្រូវការពេលយ៉ាងតិច ៦ខែ ទើបភ្ញៀវពួកគាត់គិតថានឹងមានសុវត្ថិភាពឡើងវិញ ។ ចេញទៅផ្លូវណា? បីចំណុចដើម្បីដោះស្រាយបញ្ហាប្រឈមទាំងនេះ៖ ចំណុចទី១៖ ប្រើគ្រប់មធ្យោបាយទប់ស្តាត់នឹងជំងឺ COVID-19 ដែលកំពុងនឹងប្រឈម តាមរយៈការជួយជ្រោមជ្រែងពីចិន ។ ពិនិត្យ និងចាក់វ៉ាក់សាំងការពារចំពោះអ្នកដែលសង្ស័យ និងកំពុងប្រឈមមុខ ឬដែលនឹងកំពុងបំពេញការងារដែលរងផលប៉ះពាល់ពីជំងឺមួយនេះ ។ អ្នកមានជំនាញ Coding និង Apps Developers អាចប្រមូលទិន្នន័យជាក់លាក់ និងធ្វើការជាមួយក្រសួងសុខាភិបាលដើម្បីបង្កើត Covid-19 Tracking Record យកគំរូតាមប្រទេសថៃ ដែលគេបានកំពុងនឹងអនុវត្តវិធីសាស្ត្រនេះ ។ ក្រៅពីនេះ ក្រសួងសុខាភិបាល និងរដ្ឋាភិបាលអាចរៀនសូត្រពីប្រទេសដែលប្រឈមមុខតិចតូច ចំពោះវីរ៉ុស កូវីត១៩ នេះ ដូចជា តៃវ៉ាន់ និង សិង្ហបុរី ។ ចំណុចទី២៖ ចំណាយពេល ៣ខែ សាងសង់ប្រពន្ធធារាសាស្ត្រទូទាំងប្រទេស ដោយពឹងជំនួយគ្មានសំណង ឬបំណុលពីចិន ឬក៏ជប៉ុន (ចុះកិច្ចសន្យា ជាមួយការបង្វិលប្រាក់ដើមដោយវិធីជាក់លាក់ និងច្បាស់លាស់) ។ មន្ត្រីទាំងអស់ ត្រូវដុតដៃដុតជើង ប្រឹងប្រែងបម្រើផលប្រយោជន៍ជាតិ បម្រើប្រជាជន ប្រមូលផ្តុំប្រជាជនធ្វើកសិកម្ម ចាប់ផ្តើមជាប្រទេសកសិកម្មខ្លាំងក្លា ទន្ទឹមនឹងកម្លាំងមនុស្សមានរាប់លាននាក់ស្រាប់ដែលកំពុងទំនេរគ្មានការងារធ្វើ ។ ៣ខែ ត្រៀមសម្រាប់រដូវវស្សាដែលនឹងមកដល់ខាងមុខ ប្រើដីកសិកម្មទាំងអស់ក្នុងស្រុកខ្មែរឲ្យរវល់ កុំទុកដីឲ្យនៅទំនេរ ។ យកផលដំណាំកសិផលផ្គត់ផ្គង់តម្រូវការក្នុងស្រុក បិទការនាំចូលដំណាំកសិផលពីប្រទេសជិតខាង គាំទ្រផលិតផលក្នុងស្រុក ដើម្បីសេដ្ឋកិច្ចក្នុងស្រុក...

Continue Reading →

មានឆ្ងល់ទេ ថាដូចម្តេចបានជាមនុស្សខ្លះសម្រេចកិច្ចការបានយ៉ាងអស្ចារ្យ ខណៈមនុស្សខ្លះដេកបាក់ទឹកចិត្តទាំងមិនបានប្រឹងប្រែងអ្វីខ្លាំងក្លាបន្តិចសោះ? ពាក្យខ្ជិលជាពាក្យដោះសារ លាក់ទុកក្នុងចិត្ត បិទបាំងភាពអាម៉ាស នៅពេលដែលគាត់បរាជ័យលើកិច្ចការអ្វីមួយ ។ ហេតុអ្វីបានជាគាត់មិនចង់ក្រោកពីដំណេក មិនចង់ចេញទៅធ្វើការ ហេតុអ្វីគាត់ឆាប់នឿយហត់នឹងកិច្ចការដែលគាត់បំពេញរាល់ថ្ងៃ? និយាយឲ្យចំ កិច្ចការរាល់ថ្ងៃ បើមិនប្រឹងដើម្បីប្រាក់ខែ eBook មនុស្ស ១០០នាក់ មានមនុស្សតែ ២នាក់គត់ទៅធ្វើការ ។ ហើយមនុស្ស២នាក់ ដែលទៅបំពេញកិច្ចការនោះនឹងក្លាយជាថៅកែមនុស្ស ៩៨នាក់ផ្សេងទៀត ព្រោះតែគាត់មិនមែនទៅធ្វើការដើម្បីប្រាក់ខែ ប៉ុន្តែជំនួសឲ្យគោលដៅអនាគតរបស់គាត់ ។ មូលហេតុដែលនាំឲ្យមនុស្សខ្ជិល៖ ទី១៖ មនុស្សគ្មានឆន្ទះ គ្មានគោលដៅ គ្មានបំណងប្រាថ្នាក្នុងជីវិត៖ គេរស់មួយថ្ងៃដើម្បីមួយថ្ងៃ ធ្វើការមួយខែ ដើម្បីតែប្រាក់ខែមួយខែ ។ គេបំពេញកិច្ចការឲ្យតែហើយពីដៃ គ្មានចេតនាចង់បានភាពល្អឥតខ្ចោះអ្វីសោះ ។ ការណ៍នេះ បណ្តាលឲ្យគាត់ក្លាយជាជនកម្សោយ គ្មានភាពខ្លាំងក្នុងខ្លួន ខ្វះជំនាញជាក់លាក់ ហើយវាក៏ជាហេតុដែលនាំឲ្យក្រដែរ ។ ទី២៖ គ្មានមហិច្ឆតា៖ មហិច្ឆតាមានអនុភាពខ្លាំងក្លាណាស់ ដែលនាំឲ្យពួកគេអាចសម្រេចភាពជោគជ័យ ឬកិច្ចការដ៏អស្ចារ្យក្នុងលោកនេះ ។ មហិច្ឆតា ក្នុងការជួយដោះស្រាយបញ្ហាមនុស្សជុំវិញដែលកំពុងជួបប្រទះបញ្ហា មហិច្ឆតា ចង់ធ្វើឲ្យប្រទេសមួយ ឬតំបន់មួយរស់នៅមានភាពល្អប្រសើរឡើង ។ មហិច្ឆតាទាំងនេះ មនុស្សមានកាន់តែច្រើន សង្គមកាន់តែរុងរឿង និងរីកចម្រើន ។ ទី៣៖ គ្មានផែនការ៖ កង្វះផែនការ និងការតាំងចិត្ត ជាចំណុចសូន្យដែលនាំមនុស្សឲ្យធ្លាក់ក្នុងភាពខ្ជិលច្រអូស ។ មនុស្សដែលខ្ជិលច្រអូស ជាមនុស្សខ្ជះខ្ជាយ មិនចេះគ្រប់គ្រងពេលវេលា  គ្មានទំនួលខុសត្រូវ និងគេចពីបញ្ហា ។ កត្តាទាំងនេះនឹងនាំឲ្យជីវិតគេវិនាស ក្នុងពេលដ៏ខ្លីខាងមុខ ។ ទី ៤៖ គ្មានវត្ថុបំណងក្នុងជីវិត ឬគោលដៅតូចពេក៖ ត្រូវសួរខ្លួនឯងថា រាល់ថ្ងៃនេះ រស់នៅដើម្បីអ្វី? ហេតុអ្វីបានជាមានរូបអ្នក ឬជីវិតអ្នកនៅទីនេះ? តើអ្នកត្រូវធ្វើកិច្ចការអស្ចារ្យដើម្បីមនុស្សគ្រប់គ្នា ឬដើម្បីតែក្រពេះប៉ុនបាតដៃរបស់អ្នក? នៅពេលដែលអ្នកមានគោលដៅតូចពេកនឹងធ្វើឲ្យអ្នកក្លាយជាមនុស្សខ្ជិល គិតថា បានប៉ុនណេះគ្រប់គ្រាន់ហើយ មិនចាំបាច់ប្រឹងប្រែងឲ្យលំបាកខ្លួនធ្វើអ្វី ។ ក្នុងសង្គមក្រីក្រមួយ ដូចជាកម្ពុជា ទាមទារឲ្យមានមនុស្សដែលមាន គោលបំណងធំ ព្រោះពលរដ្ឋជាច្រើនមិនទទួលបានការអប់រំត្រឹមត្រូវ មានចំនួនច្រើន ហើយជីវិតពួកគេនឹងជួបការលំបាកកាន់តែខ្លាំង បើយុវជនដែលអ្នករៀនសូត្រ...

Continue Reading →

មុននឹងចូលដល់ការឆ្លើយសំណួរនេះ សូមបើកសេចក្តីផ្តើមបន្តិច៖ នៅក្នុងប្រទេសរីកចម្រើន ដូចជានៅលោកខាងលិចជាដើម ប្រជាជនគេសុទ្ធតែមានទម្លាប់អានសៀវភៅ ។ ក្នុងបន្ទប់គេង បន្ទប់ទទួលភ្ញៀវ និង ពេលខ្លះក្នុងបន្ទប់ទឹកក៏មានសៀវភៅដែរ ។ ដោយឡែក បើយើងក្រឡេកមើលកម្ពុជា វប្បធម៌នៃការអានហាក់មិនមានសន្ទុះខ្លាំងក្លានៅឡើយទេ ។ តើកត្តានេះ បណ្តាលមកពីអ្វី? ក្មេងដែលមិនចូលចិត្តអានសៀវភៅ ព្រោះឪពុកម្តាយគេ មិនចូលចិត្តអាន ទម្លាប់ឪពុកម្តាយ វាជះឥទ្ធិពលដល់កូនៗ ។ ឪពុកម្តាយ និយមទិញគ្រឿងអេឡិចត្រូនិចឲ្យកូន ជាជាងទិញសៀវភៅឲ្យកូនៗអាន ។ ចុះ តើយើងគួរបង្កើតទម្លាប់បែបណាទើបចូលចិត្តអានសៀវភៅ? ✍️ ត្រូវបង្កើតគំនិតស្រលាញ់សៀវភៅជាមុន៖ អ្នកមិនអាចអង្គុយអានរាប់ម៉ោង នៅអ្វីដែលអ្នកមិនចូលចិត្តនោះទេ ។ អ្នកត្រូវស្វែងរកចំណង់ចំណូលចិត្តរបស់អ្នកជាមុនសិន ។ ឧ. បើអ្នកចង់ក្លាយជាបុគ្គលជោគជ័យ គួរតែអានជីវប្រវត្តិបុគ្គលខ្លាំងៗ ហើយជ្រើសរើសយកនណាម្នាក់ មកធ្វើជា Role Model របស់អ្នក ។ អ្នកត្រូវរៀនត្រាប់តាម តាំងពីទម្លាប់ផ្សេងៗ ធ្វើឲ្យដូចគាត់ ព្រមទាំងបង្កើតនៅផ្នត់គំនិតឲ្យប្រហាក់ប្រហែលគាត់ ។ ✍️ បង្កើតពេលអាន៖ បើអ្នកជួបប្រជាជនខ្មែរ ១០នាក់ សួរថាគេចូលចិត្តអានសៀវភៅអត់? ស្ទើរតែទាំង ១០នាក់ នឹងឆ្លើយមកវិញថា "មិនមានពេលអាន" ។ ពាក្យរវល់ ជាពាក្យពេញនិយមបំផុត របស់ជនជាតិខ្មែរ ប៉ុន្តែ ចង់សួរថា រវល់រាល់ថ្ងៃហ្នឹង បានធ្វើអីជាដុំកំភួនហើយឬនៅ? ប្រហែលជាមួយថ្ងៃ​ៗ រវល់តែការងារដដែលៗ ឬវាគ្រាន់តែជាលេស? ✍️ប្រភពនៃចំណេះដឹង គឺនៅក្នុងសៀវភៅ៖ លោក Elon ជាគំរូ គាត់ជាក្មេងម្នាក់ដែលចូលចិត្តអានសៀវភៅបំផុត ។ កាលពីលោកនៅក្មេង នៅរៀងរាល់ចុងសប្តាហ៍ គាត់អានសៀវភៅអស់ពីរក្បាល ។ កាលនៅរៀនបឋម គាត់អានសៀវភៅ រហូតដល់អស់ពីបណ្ណាល័យ ។ សូមក្រឡេកមើល លោក Elon បច្ចុប្បន្ននេះ តើគាត់ក្លាយជានរណា? នេះគឺជាគន្លឹះខ្លីៗ ដើម្បីបង្កើនចំណង់ចំណូលចិត្តអានសៀវភៅ ។ អានឲ្យមានមូលហេតុ អានឲ្យក្លាយជាទម្លាប់ អានជារៀងរាល់ថ្ងៃ ។ ចំណេះដឹងរបស់អ្នកមិនខ្វះទេ មិនខ្វះគំនិតរកសុី មិនភ័យខ្លាចគ្មានការងារធ្វើទេ...

Continue Reading →