June 9, 2022

ទីភ្នាក់ងារព័ត៌មានចិនស៊ិនហួ បាននិយាយកាលពីយប់ថ្ងៃពុធថា ខ្យល់ព្យុះបានបោកបក់មកលើខេត្តនេះ ចាប់តាំងពីដើមខែមិថុនា មក ស្ថានីយត្រួតពិនិត្យជំនន់ទឹកភ្លៀងមួយចំនួនបានរាយការណ៍ពីជំនន់ទឹកភ្លៀងក្នុងកម្រិតខ្ពស់បំផុតប្រវត្តិសាស្ត្រ ។ ទីភ្នាក់ងារព័ត៌មានចិនស៊ីនហួរបាននិយាយថា មនុស្សប្រហែល 1.8 លាននាក់បានរងផលប៉ះពាល់នៅក្នុងខេត្តភាគច្រើនជាតំបន់ភ្នំ ដែលជាតំបន់ភ្នំ ដែលក្នុងនោះ 286.000 ត្រូវបានជម្លៀសទៅកាន់ទីសុវត្ថិភាព ខណៈដែលផ្ទះជាង 2,700 ត្រូវបានខូចខាត ឬដួលរលំទាំងស្រុង ហើយអាជ្ញាធរបានបញ្ជូនតង់-គ្រែ (ដែលអាចបត់បាន) អាហារ និងសំលៀកបំពាក់ទៅកាន់តំបន់រងគ្រោះ ។ ប្រទេសចិនតែងតែជួបប្រទះនូវទឹកជំនន់ក្នុងអំឡុងពេលរដូវក្តៅ...

Lionel Messi ស្ថិតក្នុងចំណោមកីឡាករបាល់ទាត់ និងជាតារាកីឡាដែលមានអ្នកគាំទ្រស្រលាញ់ច្រើនបំផុតក្នុងពិភពលោក ។ នេះគឺជាប្រជាប្រិយភាពរបស់គាត់នៅក្នុងប្រទេសអាហ្សង់ទីនដើមកំណើតរបស់គាត់ ដែលសូម្បីតែប្រធានាធិបតីនៃប្រទេសនេះក៏ត្រូវកត់សម្គាល់ពាក្យសម្ដីរបស់គាត់ផងដែរ ។ អ្នកចាំទីនៃក្រុមជម្រើសជាតិអាហ្សង់ទីន Emiliano Martínez បានបង្ហើបឲ្យដឹងថា នៅពេលដែលកីឡាករ Lionel Messi និយាយមនុស្សគ្រប់គ្នារួមទាំងប្រធានាធិបតីអាហ្សង់ទីនផងត្រូវរក្សាភាពស្ងៀមស្ងាត់ ។ ម្ចាស់ពាន Ballon d'Or ៧សម័យរូបនេះបានបង្ហាញទម្រង់លេងយ៉ាងអស្ចារ្យសម្រាប់ក្រុមអាហ្សង់ទីន ។កាលពីដើមខែនេះ គាត់បានដឹកនាំក្រុមជម្រើសជាតិរបស់គាត់ទៅលើកពានរង្វាន់អន្តរជាតិជាលើកទីពីររបស់ពួកគេក្រោមការដឹកនាំរបស់គាត់ ដោយបានលើកពាន Finalissima...

មន្ត្រីកងទ័ពជើងទឹកឥណ្ឌូនេស៊ីបានស្នើប្រាក់ចំនួន 375,000 ដុល្លារអាម៉េរិក ដើម្បីដោះលែងកប៉ាល់ដឹកប្រេងដែលពួកគេបានឃាត់ទុកកាលពីសប្តាហ៍មុន ដោយសារនាវានោះបានបោះយុថ្កាដោយខុសច្បាប់នៅក្នុងដែនទឹកឥណ្ឌូនេស៊ី ក្បែរប្រទេសសិង្ហបុរី មនុស្សពីរនាក់ដែលពាក់ព័ន្ធនឹងការចរចាលើការបង់ប្រាក់ក្រៅផ្លូវការនេះ បាននិយាយថា ហេតុការណ៍នេះបានកើតឡើងបន្ទាប់ពីបណ្ដាញសារព័ត៌មាន Reuters បានរាយការណ៍ពីការឃាត់ទុកនូវនាវាជាច្រើនគ្រឿងស្រដៀងគ្នានេះកាលពីឆ្នាំមុន ។ នៅក្នុងករណីទាំងនោះ ម្ចាស់កប៉ាល់បានបង់ប្រាក់ក្រៅផ្លូវការប្រហែល 300,000 ដុល្លារអាម៉េរិកក្នុងម្នាក់ ។ ប្រភព ៖​South China Morning Post

ពិធីបើកកិច្ចប្រជុំកំពូលលើកទីប្រាំបួននៃទ្វីបអាម៉េរិកត្រូវបានធ្វើឡើងនៅទីក្រុងLos Angeles  កាលពីថ្ងៃពុធ (8 មិថុនា)។ តែដោយ​សារ​មិន​ពេញ​ចិត្ត​នឹង​គោល​នយោបាយ​ការ​បរទេស​របស់​សហរដ្ឋ​អាម៉េរិក មេដឹកនាំ​នៅទ្វីបអាម៉េរិក​មួយ​ចំនួន​បាន​អវត្តមាន​ក្នុង​កិច្ច​ប្រជុំប្រចាំទ្វីបអាម៉េរិក ដោយគ្រាន់តែបញ្ជូនគណៈប្រតិភូជាន់ទាបទៅចូលរួមក្នុងកិច្ចប្រជុំប៉ុណ្ណោះ ។ ទីភ្នាក់ងារសារព័ត៌មាន Xinhua បានរាយការណ៍ថា កិច្ចប្រជុំរយៈពេលបីថ្ងៃនឹងផ្តោតលើការគ្រប់គ្រងអន្តោប្រវេសន៍ខុសច្បាប់ ការលើកកម្ពស់កំណើនសេដ្ឋកិច្ច ការដោះស្រាយការប្រែប្រួលអាកាសធាតុ ការទប់ស្កាត់ និងគ្រប់គ្រងការរីករាលដាលនៃជំងឺ ។ នេះជាលើកទីមួយហើយ ចាប់តាំងពីកិច្ចប្រជុំកំពូលអាម៉េរិកលើកទីមួយ ត្រូវបានធ្វើឡើងនៅសហរដ្ឋអាម៉េរិក ក្នុងឆ្នាំ 1994 ដែលសហរដ្ឋអាម៉េរិក ធ្វើជាម្ចាស់ផ្ទះនៃសន្និសីទ...

សារព័ត៌មាន Bloomberg បានបង្ហើបឲ្យដឹងថា លុយដែលរុស្ស៊ីបានទូទាត់ទៅកាន់ម្ចាស់បំណុល ត្រូវបានកាត់ចេញពីគណនីធនាគាររបស់ប្រទេសរុស្ស៊ីរួចរាល់យូរមកហើយ តែដោយឡែកពេលនេះ លុយទាំងនោះបានជាប់គាំងនៅត្រឹមធនាគារ Euroclear Bank SA របស់សហគមន៍អឺរ៉ុប មានន័យថា លុយបានទូទាត់ពីរុស្ស៊ីរួចហើយ តែត្រូវបានជាប់គាំងនៅក្នុងធនាគាររបស់អឺរ៉ុប ដោយសារវិធានការដាក់ទណ្ឌកម្មរបស់ប្រទេសលោកខាងលិចដោយខ្លួនឯង ដោយពួកគេមិនព្រមយកលុយទាំងនោះបញ្ជូនទៅឲ្យដល់ដៃរបស់ម្ចាស់បំណុលដែលជាគ្នារបស់ពួកគេដោយខ្លួនពួកគេ ដូច្នេះរុស្ស៊ីអត់មានអីជាប់ពាក់ព័ន្ធឡើយ ។ ប្រភព​ ៖ Bloomberg

មានសេចក្ដីរាយការណ៍មកថា ពេលនេះបណ្ដាក្រុមហ៊ុននានាដែលមានចំណែកភាគហ៊ុននៅក្នុងទីផ្សារភាគហ៊ុនរបស់អាម៉េរិក អាចនឹងប្រកាស់ពីចំណូលចំណាយរបស់ពួកគេដែលកំពុងតែមានការធ្លាក់ចុះជាបន្តបន្ទាប់នៅក្នុងចុងឆ្នាំនេះ សូម្បីតែក្រុមហ៊ុនយក្សដូចជា Target Corp., Credit Suisse កំពុងតែសម្ដែងការព្រួយបារម្ភអំពីការធ្លាក់ចុះនូវចំណូលរបស់ខ្លួនផងដែរ ។ វិបត្តិសង្គ្រាមនៅអ៊ុយក្រែនបានផ្ដល់ផលប៉ះពាល់ដល់ GDP របស់ពិភពលោកយ៉ាងខ្លាំង ជាពិសេសចក្រភពអង់គ្លេសអាចនឹងមានការរីកលូតលាស់យឺតជាងគេក្នុងចំណោមប្រទេស G20 បន្ទាប់ពីប្រទេសរុស្ស៊ី ហើយបញ្ហាអតិផរណាក៏កាន់តែមានការព្រួយបារម្ភខ្លាំងផងដែរ ។ ប្រភព ៖ Bloomberg

កាលពីថ្ងៃទី០៧ មិថុនា ថ្មីៗនេះ រដ្ឋមន្រ្តីការបរទេសរបស់ប្រទេសទួកគីបានលើកឡើងថា ការទទូចរបស់រុស្ស៊ីក្នុងការទាមទារឲ្យមានការដកទណ្ឌកម្ម ដើម្បីសម្រួលដល់ការនាំចេញនូវធញ្ញជាតិនានារបស់អ៊ុយក្រែនថា “ជាការសមហេតុសមផល” ។ ប្រភព ៖Al Jazeera

ក្រុមមន្ត្រីបាននិយាយថា រថភ្លើងដឹកអ្នកដំណើរដែលធ្វើដំណើរឆ្លងកាត់ភាគខាងកើតប្រទេសអ៊ីរ៉ង់ បានបុកជាមួយគ្រឿងចក្រជីកកកាយដីមួយ ហើយរថភ្លើងជិតពាក់កណ្តាលបានក្រឡាប់ធា្លក់ចេញពីផ្លូវ នៅមុនថ្ងៃរះកាលពីថ្ងៃពុធ ដោយបានសម្លាប់មនុស្សយ៉ាងហោចណាស់ ២២ នាក់ និងរបួស ៨៧ នាក់ ។ ប្រភព​ ៖​New York Post

NASA បាននិយាយនៅក្នុងសេចក្តីថ្លែងការណ៍មួយថា ដុំថ្មអវកាសតូចមួយបានវាយប្រហារកែវយឺតអវកាសJame webbដែលមានតម្លៃ 10 ពាន់លានដុល្លារនៅចុងខែឧសភា ហើយបានបន្សល់ទុកនូវផលប៉ះពាល់តូចមួយ ប៉ុន្តែគួរឱ្យកត់សម្គាល់នៅក្នុងទិន្នន័យរបស់កែវយឺត ដោយNASAបានបន្ថែមថា វាគឺជាការវាយលុកទីប្រាំ និងធំបំផុតសម្រាប់កែវយឺតចាប់តាំងពីការបាញ់បង្ហោះកាលពីខែធ្នូ ។ ប៉ុន្តែសូមកុំមានការព្រួយបារម្ភ ព្រោះទាំងកាលវិភាគរបស់ក្រុមអង្កេតការណ៍ និងឯកសារវិទ្យាសាស្ត្រ មិនត្រូវបានរំពឹងថានឹងរងផលប៉ះពាល់នោះទេ ។ ប្រភព ៖ Reuters & Space.com